1 Saray Arari 8:48 - Maung A Balita Biblia

⁴⁸ No diad saman a dalin et petepeteg tan masimoon iran magbabawi tan mampikasi ran akaarap ed sayan dalin ya inter mod saray lalaki mi, diad sayan siudad a pinilim tan diad sayan Timplo ya impaalagey kon para sika,

Maung a Balita Biblia

⁴⁸ No diad saman a dalin et petepeteg tan masimoon iran magbabawi tan mampikasi ran akaarap ed sayan dalin ya inter mod saray lalaki mi, diad sayan siudad a pinilim tan diad sayan Timplo ya impaalagey kon para sika,

1 Saray Arari 8:48 Iomraidhean Croise

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

1 Saray Arari 8:49

dengel mo pa ray pikakasi ra. Dengel mo pa rad ayaman mon tawen, tan kasian mo ra.

2 Saray Arari 23:25

Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.’

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Saray Salmo 119:145

Diad intiron pusok ontatawag ak ed sika, O Katawan; ebatan mo ak pa, et onuren ko ray ganggan mo!

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

Daniel 6:11

Nen anengneng na saramay kalaban nen Daniel a mampipikasid Dios to,

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Levitico 26:40

“Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

Jonas 2:4

Abaloan kon ya atawtaw ak la ed arap mo tan ag ko la nanengneng lamet so masanton Timplom.

Zacarias 10:9

Anggaman ya intaytayak ko ra ed saray bansa, nanunotan da ak diman ed arawin lugar. Sikara tan saray anak da et makapaliis irad patey tan mambabansag iran ompawil ed bansa ra.

Saray Gawgawa 8:36

Diad pambabatik da, asabi ray pasen a kawalaay danum. “Nengneng mo, walay danum!” inkuanto may yunuko. “Anto niy makasbel ed pampabinyag ko?”

Saray Taga Roma 10:10

Ta diad panisiay too ed panamegley na puso to, napaandi so kasalanan tod arap na Dios tan diad pangibawag na too ed panamegley na sangi to, nilaban.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.