1 Saray Arari 8:3 - Maung A Balita Biblia

³ Nen akapantitipon lan amin iray pangulo, inalsa na saray papari so Kaban na Sipanan,

Maung a Balita Biblia

³ Nen akapantitipon lan amin iray pangulo, inalsa na saray papari so Kaban na Sipanan,

1 Saray Arari 8:3 Iomraidhean Croise

2 Samuel 6:12

Nadngelan nen Ari David a lapud Kaban na Sipanan, binindisionan na Katawan so pamilya nen Obed-edom tan amin a kayaryan to. Kanyan inala toy Kaban na Sipanan ed abung nen Obed-edom, ta iyakar ton malikeliket ed Jerusalem.

1 Saray Arari 8:6

Insan saray papari inawit dad dalem na Timplo so Kaban na Sipanan tan inyan dad Sankasantosan a Pasen, diad silong na saray payak da ray kirubin.

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Saray Bilang 7:9

Balet ag to initdan na kariton odino baka iray kabyangay boleg nen Coat, ta nepeg dan sakbaten iray masanton bengatla ya aasikasoen da.

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 4:9

Angilira met si Josue na labinduan bato ed pegley na Ilog na Jordan, dimad nanalageyan na saramay anakbat na Kaban na Sipanan. (Wadman ni ra man a bato.)

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”