1 Saray Arari 7:39 - Maung A Balita Biblia

³⁹ Inyan tod abalaten na Timplo so limara, diad baybay iray arum a limara; inyan tod abalaten a bokig imay kawa a dipositoway danum.

Maung a Balita Biblia

³⁹ Inyan tod abalaten na Timplo so limara, diad baybay iray arum a limara; inyan tod abalaten a bokig imay kawa a dipositoway danum.

1 Saray Arari 7:39 Iomraidhean Croise

1 Saray Arari 7:38

Nanggawa met si Hiram na samploran kawa; sansasakey ira may kariton. Duaran mitro so benlag na sakey, tan mankargay duan lasus a galon.

1 Saray Arari 7:40

Nanggawa met si Hiram na saray banga, pala, tan saray palanggana. Asumpal ton amin iray kimey tod Timplo na Katawan, tan para si Ari Solomon. Nia ray ginawa to: Saray duaran lusek Saray duaran singa yaung ya olo na saramay duaran lusek ed toktok na olo na saramay lusek Saray golunggolung a balibalin imbaliber ed kapag olo-olo Saray apat a lasus a gansan granada a nidasig ya amidwa ed talonton, ya asanlasus so kapag olo na saray lusek Saray samploran kariton Saray samploran palanggana Say kawa Saray labinduan bakan kalakyan ya ampatot na kawa Saray banga, pala, tan saray yaung Pinasileng a gansa ira yan amin a kagawaan na Timplo, a ginawa nen Hiram para si Ari Solomon.

2 Saray Awaran 4:10

Samay kawa et niiyan ed abay na abalaten a bokig, diad suyok na Timplo.

2 Saray Awaran 4:6

Nanggawa met na samploran palanggana, limara so nipasen ed abalaten na Timplo tan limara diad baybay. Ikana ran panorasan ed saray parti na ayayep ya isaklang a bagat a popoolan. Samay danum ed baleg a kawa et ikana na saray papari a panoras.

2 Saray Awaran 4:7

Nanggawa na samploran balituk a panangipatoonay lamparaan onung na gendat a panaggawa tan samploran lamisaan, insan to ra inyan ed manonan kuarto na Timplo. Limaran panangipatoonan tan limaran lamisaan so niiyan ed baybay a dapag tan saray arum diad abalaten a dapag. Nanggawa met na sanlasus a yaung.

2 Saray Awaran 5:1

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray bengatlan insaklang nen ama ton David ed Katawan—saray pilak, balituk, tan saray arum a kagawaan.