1 Saray Arari 7:14 - Maung A Balita Biblia

¹⁴ Inatey lay ama ton taga met Tiro tan marunong met a pumapanday na gansa; kabyangay tribu nen Neftali so ina to. Maung ya impanolo si Hiram tan abayag lan pumapanday na gansa. Inmabubon ed labay na ari a sikatoy makaoley ed saray kimey a nipaakar ed gansa.

Maung a Balita Biblia

¹⁴ Inatey lay ama ton taga met Tiro tan marunong met a pumapanday na gansa; kabyangay tribu nen Neftali so ina to. Maung ya impanolo si Hiram tan abayag lan pumapanday na gansa. Inmabubon ed labay na ari a sikatoy makaoley ed saray kimey a nipaakar ed gansa.

1 Saray Arari 7:14 Iomraidhean Croise

2 Saray Awaran 2:14

Kabyangan na tribu nen Dan so ina to, tan taga Tiro so ama to. Marunong a mankimey ed balituk, pilak, gansa, balatyang, bato, tan tabla. Nayarian toy mankimey ed asul, purpura, tan ambalangan abel, a pati linen. Nayarian ton gawaen ya amiy panagtatak tan natombuk toy antokaman a paitatak ed sikato. Pankimey mo a kaiba to ray marunong a kumikimey mo tan saray impankikimey nen amam ya Ari David.

2 Saray Awaran 2:6

Balet say katwaan to anggapoy makapangipaalagey na timplon para Dios, lapud ag nakarga na anggan say intiron kabaleg na tawen so Dios mi. Kanyan panon so pakapangipaalagey ko na timplon para sikato? Say nayarian kon ipaalagey labat et say sakey a pasen a pampoolan na insinso ed Dios.

2 Saray Awaran 4:11

Nanggawa met si Huram na saray banga, pala, tan yaung. Sinumpal ton ginawa iray amin a kagawaan ya insipan ton Ari Solomon a gawaen para Timplo: Saray duaran lusek Saray duaran singa yaung ya olo ed toktok na saramay lusek Saray golunggolung ed toktok na olo na saramay lusek Saray apat a lasus a gansan granada a nidasig ya amidwa ed kapag olo na saramay lusek Saray samploran kariton Saray samploran palanggana Say kawa Saray labinduan bakan kalakyan ya angampatot ed samay kawa Saray banga, saray pala, tan saray tinidor Pinasileng a gansa so inkana nen Huram nen ginagawa to ra yan amin a kagawaan a para Timplo na Katawan, onung na ingganggan nen Ari Solomon.

Exodo 28:3

Paawit mo ray amin a marunong a mandait ya initdan ko na karunongan, tan ibagam ed sikara ya igawaan day Aaron na kawes to, ta sikatoy isaklang a sakey a pari a manlingkur ed siak.

Exodo 35:30

Si Moises kuantod saray Israelita, “Say Katawan pinili toy Bezalel a lakin anak nen Uri tan apo nen Hur a kabyangan na boleg nen Juda.

Exodo 35:31

Say Dios pinano to na pakayari to tan initdan to na karunongan, pakayari, tan pakatalus a manggawa na antokaman a kimey ya inartian,

Exodo 35:35

Initdan to ra na karunongan a manggawa ed amin a klasiy kimey a gagawaen na saray managtatak na arti, managgolis na arti, tan managinaramey na pinon linen; asul, purpura, tan ambalangan lana; tan arum ni ran abel. Nayarian da a gawanen so antokaman a kimey tan marunong iran mangigolis na arti.

Exodo 36:1

“Si Bezalel, si Oholiab, tan amin nin arum a marunong a kumikimey, ya angiteran na Katawan na karunongan tan pakatalus a manggawa na antokaman a nakaukolan ed pangipaalagey na Tuldan Ayamay Katawan, et nepeg a gawaen day amin a bengatla onung na ingganggan na Katawan.”

Exodo 36:8

Amin iray sankarunongan ed saramay mankikimey et sikaray nanggawa na Tuldan Ayamay Katawan. Ginawa ra ed samploran kurtina a pinon linen. Asul, purpura, tan ambalanga so tinebey da, tan binordaan da ra na saray kirubin.

Isaias 28:26

Amta ton gawaen iray kimey to, ta say Dios so angibangat ed sikato.