1 Saray Arari 6:9 - Maung A Balita Biblia

⁹ Asumpal nen Solomon ya impaalagey so Timplo. Makakapal a tablan sidro iray ginawa ton panuksolan tan bubida.

Maung a Balita Biblia

⁹ Asumpal nen Solomon ya impaalagey so Timplo. Makakapal a tablan sidro iray ginawa ton panuksolan tan bubida.

1 Saray Arari 6:9 Iomraidhean Croise

1 Saray Arari 6:10

Nipapeg ed paway na saray padir ira may taloran gradon kakuartoan a say balang kuarto et duara tan kapalduan mitro so kaatagey to, tan nisoldung ira na saray sidron panuksolan.

1 Saray Arari 6:14

Asumpal sirin nen Solomon ya impaalagey so Timplo.

1 Saray Arari 6:38

Diad bulan na Bul, say kumawalon bulan na kumalabinsakey a taon na panooley nen Solomon, asumsumpal a nipaalagey so Timplo onung na implano. Pitoy taon ya impaalagey nen Solomon so Timplo.

1 Saray Arari 6:8

Walad abalaten a dapag na Timplo so lolooban na sankaleksaban a grado na saramay kuarto, tan dia met so kawalaay takayan a mamaarap ed kumadwa tan kumatlon grado.

1 Saray Arari 7:51

Nen asumpal nen Ari Solomon iray amin a kimey ed Timplo, inyan tod saray kuarton panagsinupan ed Timplo ya amin iray amin a bengatlan insaklang nen ama ton David ed Katawan—saray pilak, balituk, tan saray arum a kagawaan.

1 Saray Arari 9:25

Mamitlod sakey taon a mangisaklang si Solomon na saray bagat a popoolan tan saray bagat a para kareenan, diad altar ya impaalagey ton para Katawan. Nampopool met na insinson para Katawan. Onya so impakasusumpal na Timplo.

Exodo 40:33

Inlira nen Moises so pinagkaalar ed kaliber-liber na Tulda tan altar, insan imbitin tod lolooban na samay pinagkaalar so kurtina. Ontan sirin asumpal to iray amin a kimey.

Kanta nen Solomon 1:17

saray kiew a sidro so panoksulan na abung ta, tan tablan sipris so bobida.