1 Saray Arari 6:5 - Maung A Balita Biblia

⁵ Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

Maung a Balita Biblia

⁵ Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

1 Saray Arari 6:5 Iomraidhean Croise

1 Saray Arari 6:16

Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida.

1 Saray Arari 6:31

Duara so kaput na puirtan lolooban ed Sankasantosan a Pasen tan agawa ra ed tablan oliba; akatoron arko so walad tagey na puirta na lolooban.

1 Saray Arari 6:6

Kapag kuarto ed sankaleksaban a grado taloran mitro so kaawang to, tan say sankatageyan talora tan kapalduan mitro so kaawang to. Manmelag manlapud leksab ed kapag grado so padir na Timplo, kanyan akapapeg la ra may kuarto tan ag insoksok ed padir iray panuksolan to.

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.

1 Saray Awaran 28:11

Inter nen David ed kinen Solomon iray plano na amin a paalagey na Timplo, saray panagsinupan a kuarto tan amin nin arum a kuarto, tan say Sankasantosan a Pasen a diay pakapirdonaan na kasalanan.

1 Saray Awaran 9:26

Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.

2 Saray Awaran 31:11

Onung ed ganggan na ari, angiparaan ira na saray kuarton panagsinupan ed solar na Timplo,

2 Saray Awaran 4:20

saray panangipatoonan na lamparaan, tan saray lamparaan a puron balituk a selselan irad arap na Sankasantosan a Pasen onung ed plano;

2 Saray Awaran 5:7

Insan saray papari inawit dad dalem na Timplo so Kaban na Sipanan na Katawan tan inyan dad Sankasantosan a Pasen, diad silong na saray payak da ra may kirubin.

2 Saray Awaran 5:9

Siopamay toon manalalagey ed arap na Sankasantosan a Pasen nanengneng to ray ngoro na saramay tiken. Balet diad arum a pasen ag to ra nanengneng. (Wadman ni ra yan tiken ya anggad natan.)

Nehemias 10:37

Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Nehemias 12:44

Diad saman a panaon nipasen iray pigaran lalaki a makaoley ed saray kuarton panagsinupan na saray tulong para Timplo a pati saray kakaplo, tan say trigon ononan anien tan say bungan ononan borboren kapag taon. Sarayan totoo so makaoley a manala, diad kaalogan na nandoroman siudad, na saray rigalon iter na totoo a para saray papari tan saray Levita onung na ibabagay Ganggan. Aliketan ya amin iray totoo na Juda ed saray papari tan saray Levita

Saray Salmo 28:2

Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

Exodo 25:22

Banaen ta kad man tan diad tagey na sakub, diad nampegleyan na duaran kirubin, iter kod sika ray amin a ganggan kod saray Israelita.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Jeremias 35:2

“Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.”

Jeremias 35:4

insan intagar ko rad Timplo. Inyakar ko rad kuarto na saray disipulo nen propita Hanan a lakin anak nen Igdalias. Sayan kuarto et walad tagey na kuarto nen Maasias a lakin anak nen Sallum, sakey a manonan opisyal na Timplo. Asingger met yan kuarto ed saray kuarto na saray arum ya opisyal.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.

Ezekiel 41:4

Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, “Sikato yay Sankasantosan a Pasen.”

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Saray Bilang 7:89

Nen linmoob ed Tulda si Moises ta mitongtong ed Katawan, nadngel toy Katawan a misasalitad sikato manlapud tagey na sakub na Kaban na Sipanan, diad nanleetan na duaran kirubin.