1 Saray Arari 6:16 - Maung A Balita Biblia

¹⁶ Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida.

Maung a Balita Biblia

¹⁶ Agawad beneg na dalem na Timplo so bandad dalem a kuarto a tatawagen na Sankasantosan a Pasen. Diad kumaplon mitro manlapud beneg na Sankasantosan a Pasen kineteg na tablan sidro, manlapud datal ya anggad bubida

1 Saray Arari 6:16 Iomraidhean Croise

1 Saray Arari 6:17

Duamplon mitro so karokey na kuarto ed arap na Sankasantosan a Pasen.

1 Saray Arari 6:5

Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

1 Saray Arari 7:7

Say Kuarton Trono a tatawagen met na Korti na Katonungan, a diay panagsintinsiaan nen Solomon ed saray kaso, et tablan sidro so nipalkap ed saray padir to manlapud datal ya anggad wanan.

1 Saray Arari 8:6

Insan saray papari inawit dad dalem na Timplo so Kaban na Sipanan tan inyan dad Sankasantosan a Pasen, diad silong na saray payak da ray kirubin.

2 Saray Awaran 3:8

Say bandad dalem a kuarto, a tatawagey Sankasantosan a Pasen, et samploran mitro so karokey to tan samploran mitro so kaawang to a kaparay kaawang na Timplo. Duamplo tan liman tonilada a balituk so nikanan impanookup ed saray dingding na Sankasantosan a Pasen:

Exodo 26:23

Manggawa ka na duaran tablan para saray sokung.

Ezekiel 41:4

Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, “Sikato yay Sankasantosan a Pasen.”

Ezekiel 45:3

Say kapaldua na sayan pasen a labinduan kilomitro so karokey to tan limaran kilomitro so kaawang to et sukaten ya ibiig; nipaalagey dia so Timplo, say sankasantosan ed amin day pasen.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Saray Hebreo 9:3

Say kumadwa, a walad biek na kumadwan kurtina, tatawagey Sankasantosan a Pasen.