1 Saray Arari 5:7 - Maung A Balita Biblia

⁷ Akaliket a maung si Hiram nen naawat toy impaibaga nen Solomon, kanyan inkuanto, “Nagalang natan so Katawan, lapud initdan toy David na sakey ya anak a manari ed saman a matalonggaring a bansa!”

Maung a Balita Biblia

⁷ Akaliket a maung si Hiram nen naawat toy impaibaga nen Solomon, kanyan inkuanto, Nagalang natan so Katawan, lapud initdan toy David na sakey ya anak a manari ed saman a matalonggaring a bansa!

1 Saray Arari 5:7 Iomraidhean Croise

Genesis 33:5

Nen anengneng nen Esau ira may bibii tan saramay ogogaw, tinepet to, “Siopa ra yay kaibam?” Inmebat si Jacob, “Sikara yay ogogaw ya inter na Dios ed siak lapud panangaro to.”

1 Saray Arari 1:48

tan kuanto, ‘Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!’”

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

1 Saray Arari 4:7

Anoroy Solomon na labinduan gobirnador na saray distrito na Israel. Manlapud saray distrito ra so iiter dan taganoy ari tan say pamilya to; balang sakey ed sikara sakey bulan so paniter to na tagano kapag taon.

1 Saray Arari 5:6

Kanyan mangibaki ka pad Libano na saray totoom, ta ibatangan da ak na saray sidro. Tulongan ira na saray totook, et bayaran ko ray totoom no pigaray labay mo. Sikakabat ka met lanti ya ag naparaan na saray totook so dunong na saray totoom ed pambatang na saray kiew a sidro.”

1 Saray Arari 5:8

Insan impaikuanen Hiram ed kinen Solomon: “Naawat koy impaibagam ed siak. Akaparaan ak a manggawad kekerewen mo; itdan ta ka na saray kiew a sidro tan saray saleng.

Saray Salmo 137:6

Ag ak lan balut komun makakanta, no ag ta ka nanununotan, no ag ta ka nanunotan a sankabalgan a liket ko!

Probirbio 10:1

Sikara yay probirbio nen Solomon: Paliketen na makabat ya anak so ama to; balet paermenen na makulang-kulang ya anak so ina to.

Probirbio 13:1

Say anak a makabat dedengelen toy bilin na ama to, balet say toon mapaatagey ag ton balut birbiren a sikatoy nalilingo.

Probirbio 15:20

Say anak a makabat paliliketen toy ama to. Say makulang-kulang labat ya anak so mambabalaw ed ina to.

Probirbio 23:24

Maliket a tuloy so ama a walay anak ton matonung. Nikinon mo so anak mon makabat.

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”