1 Saray Arari 4:33 - Maung A Balita Biblia

³³ Nansasalita na nipaakar ed saray kiew tan saray tanaman, manlapud saray sidro ed Libano ya anggad isopo ya ontutubod saray padir; nansasalita met na nipaakar ed saray ayayep, saray manok, saray ayayep ya onkokorung, tan saray sira.

Maung a Balita Biblia

³³ Nansasalita na nipaakar ed saray kiew tan saray tanaman, manlapud saray sidro ed Libano ya anggad isopo ya ontutubod saray padir; nansasalita met na nipaakar ed saray ayayep, saray manok, saray ayayep ya onkokorung, tan saray sira.

1 Saray Arari 4:33 Iomraidhean Croise

1 Saray Arari 4:32

Nanggawa na talon libon probirbio tan sanlibo tan limaran kanta.

1 Saray Arari 4:34

Nadngelan na amin da ray arari ed intiron mundo so kakabatan nen Solomon, kanyan angibaki ray totoon ondengel ed sikato.

2 Saray Arari 19:23

Angibaki kad siak na saray totoom a mampasirayew a lapud saray amayamay a karwahim dinakep mo ray sankaatageyan a palandey, anggan say toktok na Palandey na Libano. Impasirayew mod siak a nambabatang kad man na saray sankatageyan a kiew a sidro tan saray sankaabigan a kiew a saleng tan asorub mo ray sankaoteotelan na saray takel.

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Saray Salmo 92:12

Onsalumpapak a singa kiew a palmira iray matonung a totoo; ombaleg iran singa kiew a sidro na Libano.

Exodo 12:22

Mangala kayoy sangay isopo, isawsaw yod palangganan nankargay dala na ayep, insan yo iporanis ed saray lusek ya akapeketan na puirta tan diad panuksolan ed tagey na puirta na abung yo. Ag kayo ompapaway ed abung yo ya anggad kabwasan.

Kanta nen Solomon 4:8

Mila kad siak a manlapud Kapalandeyan na Libano, O nobiak; gala ta taynan ta so Libano. Akseb kan manlapud toktok na Palandey na Amana, manlapud Palandey na Senir tan Palandey na Hermon, a panaayaman na saray lion tan saray liopardo.

Kanta nen Solomon 5:15

Saray ulpo to et singa ra lusek ya alabastro, nilira ed balituk a patoonan. Matalonggaring a singa Kapalandeyan na Libano ya atatagey iray kiew dan sidro.

Levitico 14:51

Insan to alaen ira may kiew a sidro, samay sangay isopo, samay ambalangan koldon, tan samay mabilay a manok tan isawsaw to ra ed dala na samay pinatey ton manok tan diad samay danum. Insan walsikan ton mamimpito imay abung.

Saray Bilang 19:18

Say sakey a toon malinis onung ed ganggan et mangalay sakey a sangay isopo, idelnet tod samay danum, insan iwalsik tod samay tulda, diad amin a walad dalem to tan amin da ray totoon wadman. Ontan met say sakey a toon malinis onung ed ganggan walsikan toy sakey a toon nandiwit na pokel na inatey odino nandiwit na bangkay odino lobuk.

Saray Bilang 24:6

Singa ra saray andorokey a dasig na ilog, Odino saray tanamanan ed gilig na ilog, Singa ra saray aloe ya intanem na Katawan Odino saray kiew a sidro ed pangdel na ilog.

Saray Hebreo 9:19

Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.