1 Saray Arari 4:24 - Maung A Balita Biblia

²⁴ Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

Maung a Balita Biblia

²⁴ Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

1 Saray Arari 4:24 Iomraidhean Croise

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

1 Saray Arari 4:23

samploran pinataban baka, duamplon ipapastol a baka, tan sanlasus a karniro, a andi-bali ray ankabaleg tan ankelag ya ulsa, tan saray pinataban manok.

1 Saray Arari 5:4

Balet, natan, initdan ak na Katawan a Dios ko na kareenan ed inerman a pasen a sakop na nanarian ko. Anggapo la ray kalaban ko tan anggapo lay kaatapan a nepeg kon takotan.

1 Saray Awaran 22:9

Anggaman ontan walay insipan tod siak. Inkuanto, ‘Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.

2 Saray Awaran 9:26

Sikatoy sankatalonaan a manoley ed amin da ray arari, manlapud Ilog na Eufrates ya anggad Filistia tan diad ketegan na Egipto.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Saray Salmo 72:3

Onaligwas komuy dalin; manari komuy katonungan.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Jeremias 47:1

Kasakbayan a dinogpaan na ari na Egipto so Gaza, akisalitay Katawan ed siak nipaakar ed saray Filisteo.

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Saray Huis 1:18

Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

Saray Huis 16:1

Aminsan ya agew linmay Samson ed Gaza a siudad na Filistia. Akabat tod man so sakey a marotak a bii tan akiakdulan to.