1 Saray Arari 4:21 - Maung A Balita Biblia

²¹ Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

Maung a Balita Biblia

²¹ Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

1 Saray Arari 4:21 Iomraidhean Croise

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

1 Saray Arari 12:4

“Ambelat so impasakbat nen amam ed sikami. No palemewan moy sasakbaten mi tan painomayan moy panagbilay mi, panlingkuran mi ka.”

1 Saray Arari 3:13

Iter ko met ed sikay ag mo kinerew: makagamur kay kayamanan tan say kagalangan ed legay pambilay mo, tan ag yan balut naparaan na anggan siopan ari.

1 Saray Arari 4:22

Say inagew-agew a taganon nakaukolan nen Solomon et a sanlasus tan limamplon sako a pinon arina tan talon lasus a salup a magasal ya sako;

1 Saray Arari 4:24

Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Awaran 17:5

Pinabiskeg na Katawan so panooley nen Josafat ed nanarian na Juda, kanyan inyaakaran na saray totoo na saray rigalo. Minmayaman a mapalalo sirin tan daydayewen na saray totoo.

2 Saray Awaran 32:23

Amayamay iray totoon linmad Jerusalem a sankaawit da ray bagat dad Katawan tan saray rigalo rad kinen Ezekias; kanyan nanlapud saman ya agawa, igagalang na amin a totood arum a bansa si Ezekias.

Esdras 4:20

Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Saray Salmo 68:29

manlapud Timplom ed Jerusalem, a pangyaakaran da ray arari na saray rigalo rad sika.

Saray Salmo 76:11

Sumpal yo ray insipan yod Katawan a Dios yo; amin yon kaliber-liber a bansa, mangawit kayo ray rigalod sikato. Say Dios patatakoten tod sikato iray totoo;

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Ecclesiastes 2:25

No anggapoy Dios, panoy pakalam na antokaman a kanen mo odino panoy pakapanliket mo?

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Ezekiel 16:13

Wala ray alahas mon balituk tan pilak, tan akakawes ka lawas na nambordan linen tan sida. Tinapay a ginawad sankaabigan ya arina so kakanen mo, tan mamangan ka met na dilo tan larak na oliba. Nidoma-domay gangganam, tan nagmaliw kan riyna.

Deuteronomio 11:24

Amin a dalin a nabatak yo et kayaryan yo. Say dalin yo et sakopen to so manlapud kalawakan diad abalaten ya anggad Kapalandeyan na Libano diad baybay, tan manlapud Ilog na Eufrates diad bokig ya anggad Dayat na Mediteraneo diad sagur.

Josue 1:4

Saray ketegan na dalin yo et manlapud kalawakan ed abalaten ya anggad Kapalandeyan na Libano diad baybay; manlapud baleg ya Ilog na Eufrates diad bokig, beltangen toy dalin da ray Heteo, ya anggad Dayat na Mediteraneo diad sagur.

1 Samuel 10:27

Balet wala ray pigaran andi-kakanaan a totoo ya inkuanda, “Panon to itayon niyagel yan too?” Binalaw day Saul tan ag da initdan na antokaman.