1 Saray Arari 3:9 - Maung A Balita Biblia

⁹ Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

Maung a Balita Biblia

⁹ Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?

1 Saray Arari 3:9 Iomraidhean Croise

2 Samuel 14:17

Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

1 Saray Arari 10:24

Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

1 Saray Arari 3:10

Akaliket so Katawan lapud saya so kinerew nen Solomon.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Saray Awaran 22:12

Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

2 Saray Awaran 1:10

Kanyan iter mo pad siak so kakabatan tan pakatalus a nakaukolan ko ed panoley kod sikara. Ta no andi, panon kon naoleyan ira yan matalonggaring a totoom?”

Saray Salmo 119:144

Lawas a matonung iray bilibilin mo; itdan mo ak pay pakatalus, et mambilay ak.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Salmo 119:73

Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Probirbio 20:12

Say Katawan initdan to itayo na saray mata a pannengneng, tan saray layag a pandengel.

Ecclesiastes 7:11

Balang toon mambibilay nepeg a walay kakabatan to, ta no walaan kay kakabatan singa ka anawir na kayamanan.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Mateo 3:14

Ag labay komun a binyagan nen Juan, kanyan inkuantod kinen Jesus, “Anta siak komuy nepeg a binyagan mo, linma ka dian pabinyagan ed siak?”

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

TAGA-EFESO 5:17

Nepeg ya aliwa kayon singa saray makulang-kulang, no ag ingen talusan yo no antoy labay na Katawan a pagawad sikayo.

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.