1 Saray Arari 3:3 - Maung A Balita Biblia

³ Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

Maung a Balita Biblia

³ Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

1 Saray Arari 3:3 Iomraidhean Croise

1 Saray Arari 11:34

Balet ag ko ekalen so intiron nanarian ed kinen Solomon, tan pansiansiaen kon manoley legan ton mambibilay, lapud kinen pinilik a David ya aripen kon angonur na saray ganggan tan saray bilin ko.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 11:4

et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

1 Saray Arari 11:6

Nankasalanan ed Katawan, kanyan ag to naaligay ama ton David a matoor ed Katawan.

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

1 Saray Arari 14:8

Inekal koy nanarian ed saray kabyangay boleg nen David tan inter kod sika. Balet ag mo naaligan si aripen kon David a sigput so inkatoor tod siak, inonur to ray ganggan ko, tan say matonung labat so ginawa to ed arap ko.

1 Saray Arari 15:11

Ginagawa nen Asa iray makapaliket ed Katawan, a singa saray ginagawa nen David.

1 Saray Arari 15:14

Nansiansian matoor ed Katawan si Asa legan na impanbilay to, anggan ag to dineral ya amin iray paganon pasen a panangigalangan.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Saray Arari 22:43

Ginawa toy kaptekan ed arap na Katawan a singa ginawa nen Asa ya ama to; balet ag to aderal iray paganon pasen a panangigalangan, kanyan intuloy na saray totoo so nambabagat tan nampopool na insinso ed saraman a pasen.

1 Saray Arari 22:44

Akikaaro si Josafat ed ari na Israel.

1 Saray Arari 3:14

Et no mambilay ka onung na linawak, no onuren mo ray ganggan tan saray bilin ko a singa ginawa nen amam a David, itdan ta ka na andokey a bilay.”

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

1 Saray Arari 8:25

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak a David nen inkuan mod sikaton wala lawas so kabyangay boleg ton manari ed Israel, no saray kabyangay boleg to et mapeleng iran mangonur ed sika a singa impangonur tod sika.

1 Saray Arari 8:61

Sikayo ran totoo to, matoor kayo komun lawas ed Katawan a Dios tayo, maonur ed saray ganggan tan saray bilin to, a singa gagawaen yo la natan.”

1 Saray Arari 9:4

No panlingkuran mo ak diad katooran tan kasantosan a singa impaglingkur nen amam a David tan onuren mon amin iray bilin tan saray ganggan ko,

2 Saray Arari 12:3

Balet ag aderal iray pasen a panagpikasian na saray pagano, kanyan intuloy na saray totoo so nambagat tan nampool na insinso ed saraman a pasen.

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

2 Saray Arari 14:3

Ginagawa toy makapaliket ed Katawan, balet ag to aparaan si laki ton Ari David; ingen ginawa toy ginagawa nen Joas ya ama to.

2 Saray Arari 14:4

Ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen.

2 Saray Arari 15:35

Balet ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen. Si Jotam so angipaalagey ed Puirtan Baybay na Timplo.

2 Saray Arari 15:4

Balet ag to dineral iray paganon pasen a panangigalangan, kanyan intuloy na saray totoo so nambagat tan nampool na insinso ed saraman a pasen.

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

2 Saray Awaran 15:17

Nansiansian matoor ed Katawan si Asa legan na impanbilay to anggaman ya ag to dineral ya amin iray paganon pasen a panangigalangan ed bansa.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Saray Salmo 31:23

Aro yoy Katawan, amin yon matoor a totoo to! Iyaagel na Katawan iray matoor, balet dudusaen to ray mapaatagey onung ed kanepegan da.

Levitico 17:5

Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

Mateo 22:37

Inmebat si Jesus, “‘Arom so Katawan a Dios mo ed intiron pusom, diad intiron kamarerwam, tan diad intiron kanunotan mo.’

Juan 14:15

“No inaro yo ak, onuren yo ray ganggan ko.

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

1 CORINTO 8:3

Balet kabat na Dios so toon mangaarod sikato.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 10:13

tan tombuk yo ray amin a ganggan to. Iiter ko natan ira yan ganggan ed sikayo ya onkanan pankaabigan yo.

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 30:16

No onuren yo ray iiter kod sikayo natan a ganggan na Katawan a Dios yo, no aroen yo so Katawan, no tuloken yo, tan sumpalen yo ray amin a ganggan to, onaligwas kayo tan magmaliw kayon sakey a bansa ya amayamay iray totoo to. Say Katawan a Dios yo et bindisionan to kayo ed dalin a ngalngali yo la panayaman.

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

1 Samuel 9:12

“On, wadya,” ebat da ra may bibii. “Ganatan yo, pian naabot yo ni, ta akaonay daiset nen say sikayo. Kasabi yod baley, narumog yod man. Sinmabi natan ed baley, ta saray totoo et onla ran mangibagat ed altar a walad toktok na pokdul. Ag ni mangan iray totoon naimbitaan ya anggad isabi to, ta nepeg to nin bindisionan iray bagat. Laki la natan, et narumog yon tampol, kasakbayan ya onlan mangan ed pokdul.”