1 Saray Arari 22:8 - Maung A Balita Biblia

⁸ Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

Maung a Balita Biblia

⁸ Inmebat si Acab, Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin. Ag mo nepeg ya ibaga tan! ebat nen Josafat.

1 Saray Arari 22:8 Iomraidhean Croise

Genesis 37:8

“Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 19:14

Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

1 Saray Arari 22:13

Legan to ya, samay opisyal a mangaawit ed kinen Micaya inkuantod sikato, “Aligwas na ari so impropisiya na amin da ray arum a propita, kanyan onya met so ipropisiyam.”

1 Saray Arari 22:18

Inkuanen Acab ed kinen Josafat, “Imbagak ed sikan ag balut mampropropisiyay pankaabigan ko; pakaderalan kon amin!”

1 Saray Arari 22:27

Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.”

1 Saray Arari 22:7

Balet tinepet nen Josafat, “Anggapo ta lay sananey a propita na Katawan a pangipanonan tayo?”

1 Saray Arari 22:9

Tinawag sirin nen Ari Acab so sakey ya opisyal, tan imbaga tod sikato ya awiten ton tampol si Micaya.

2 Saray Arari 9:22

“Kareenay inyakaran mo dia?” tepet nen Joram ed sikato. “Panon a niwalay kareenan,” ebat nen Jehu, “no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?”

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Saray Salmo 34:21

Pateyen na kaogsan iray totoon maoges; nadusa ray mamobosul ed saray matonung.

Probirbio 15:12

Saray totoon mapaatagey ag da labay so papetek; ag iran balut onkekerew na simbawa ed saray totoon makabat.

Probirbio 29:10

Kabosul na saray managpatey na too so toon maptek so panagbilay to, balet saray matonung iyagel day bilay to.

Probirbio 9:8

Ag mo pepeteken so toon mapaatagey, ta bosulen to ka. Balet no peteken moy toon makabat, pagalangan to ka.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 36:23

No nabasa nen Jehudi so talora odino apatiran karasig, salgeren ya ekalen na ari insan to ibontuk ed apoy. Onyay ginagawa to ya anggad apoolan imay intiron babasaen.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Mikias 2:7

Abaloan mo a nisamba iray totood Israel? Naoput ta lay anos na Katawan? Gawaen to ta ra tay ibabagam? Ag ta marakep so panagsalita to ed saray manggagaway katunongan?”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Juan 17:14

Inter kod sikaray salitam, et binosul iray sankamundoan ta ag ira kayaryan na sankamundoan, a singa siak ya ag kayaryan na sankamundoan.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?