1 Saray Arari 22:6 - Maung A Balita Biblia

⁶ Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

Maung a Balita Biblia

⁶ Impantitipon sirin nen Acab iray propita a sakey ya apat a lasus ira tan tinepet tod sikara, Laen kon dogpaan so Ramot-galaad odino andi? Dogpaan mo, ebat da. Panaloen ka na Katawan.

1 Saray Arari 22:6 Iomraidhean Croise

1 Saray Arari 12:9

Tinepet tod sikara, “Antoy isimbawa yod siak? Antoy ibagak ed saraman a totoon onkekerew a palemewan koy sasakbaten da?”

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Saray Arari 18:20

Kanyan impantitipon nen Acab ed Palandey na Carmelo iray amin a totood Israel tan saray propita nen Baal.

1 Saray Arari 22:10

Saramay duaran ari akasolung ira na kawes da ray arari et akayorung irad saray trono ra diad samay pasen a panagilikan ya asingger ed puirta na Samaria. Mampropropisiyad arap da ira may amin a propita.

1 Saray Arari 22:15

Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

1 Saray Arari 22:5

Insan inkuanto ni, “Balet ipanon tayo ni ya ed Katawan.”

2 Saray Arari 10:19

Tawag yo sirin iray amin a propita nen Baal, amin a manangigalang ed sikato, tan amin a papari to. Anggapoy siopaman ya ag dia onla, ta mangisaklang ak na baleg a bagat ed Baal; napatey so siopaman ya andi dia.” (Impansilib ya nen Jehu, ta labay ton pateyen ya amin iray manangigalang ed Baal.)

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

2 Saray Awaran 18:14

Nen pinmarontal ed arap nen Ari Acab si Micaya, tinepet na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

Isaias 36:10

Abaloan yo ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.