1 Saray Arari 22:3 - Maung A Balita Biblia

³ Tinepet nen Acab ed saray opisyal to, “Amta yo a kayaryan tayoy Ramot-Galaad. Akin balet et ag tayo babawien ed ari na Siria?”

Maung a Balita Biblia

³ Tinepet nen Acab ed saray opisyal to, Amta yo a kayaryan tayoy Ramot-Galaad. Akin balet et ag tayo babawien ed ari na Siria?

1 Saray Arari 22:3 Iomraidhean Croise

2 Samuel 19:10

Nilanaan tayoy Absalom a manari, balet apatey ed bakal. Kanyan akin et anggapoy mamapawil dia ed kinen Ari David?”

1 Saray Arari 22:29

Linman dinmogpad siudad na Ramot-galaad si Ari Acab na Israel tan si Ari Josafat na Juda.

1 Saray Arari 4:13

Ben-geber: say siudad na Ramot-galaad, tan saray bario na Galaad a sakop na boleg nen Jair a lakin kabyangay boleg nen Manases, tan say dalin na Argob diad Basan, anemaplon ankakabaleg a baley ya amin, apaliberan iray padir tan gansa iray balewet na puirta ra

2 Saray Arari 8:28

Akigampiy Ari Ahazia ed kinen Ari Joram na Israel diad impibakal dad Ari Hazael na Siria. Diad Ramot-galaad so nambabakalan da. Asugatan si Joram ed sayan bakal.

2 Saray Arari 9:14

Siniliban a nilabanan nen Jehu si Ari Joram. Walad Jezreel so ari, ta dimay nila ton pampapaabigan ed saray asugat ed sikato nen akilad bakal ed Ramot-galaad sumpad Ari Hazael na Siria. Kanyan inkuanen Jehu ed saray kapara ton opisyal, “No tuan kagampi yo ak, ag yo papaolyan so siopaman diad Ramot-galaad ya onlad Jezreel a mamasakbay ed saray totood man.”

Deuteronomio 4:43

Diad tribu nen Ruben say nibiig a siudad say Bezer a niatagey a patar a kalawakan; diad tribu nen Gad say Ramot a sakop na dalin na Galaad; tan diad tribu nen Manases say Golan a sakop na dalin na Basan.

Josue 20:8

Diad bokig na Jordan, diad niatagey a patar ed kalawakan a walad bokig na Jerico, pinili ray Bezer, diad dalin na Ruben; Ramot na Galaad, diad dalin na Gad; tan Golan na Basan, diad dalin na Manases.

Josue 21:38

Manlapud tribu nen Gad naawat da so apatiran siudad: Ramot na Galaad, a pati saray dalin a panagpastolan to (sakey ed saray siudad a salimbengan), Mahanaim,

Saray Huis 16:2

Akabatan na saray totood Gaza a wadmay Samson, kanyan niliktub da may pasen tan sanlabi ran inalagar ed puirta na siudad. Mareereen iran sanlabi tan ninunot dad sikaran dili, “Manalagar itayo dia ya anggad kabwasan, insan tayo pateyen.”

Saray Huis 18:9

“Sigi sirin,” ebat da ra may limara, “dogpaan tayo so Lais. Anengneng mi man a dalin, tan agaylay abig to. Ag kayo dia manaayam ya anggapoy gagawaen. Ganatan tayo so onla tan samsamen tayo man a dalin!