1 Saray Arari 22:23 - Maung A Balita Biblia

²³ Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika.”

Maung a Balita Biblia

²³ Inkuanen Micaya ed kaonuran, Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika.

1 Saray Arari 22:23 Iomraidhean Croise

1 Saray Arari 20:42

Insan inkuan na samay propita ed ari, “Ibabagay Katawan; ‘Lapud inabuloyan mon makabatik so ingganggan ko a pateyen mon too, patey so ibayar mo, tan napatey iray totoom lapud impamabatik mod saray totoo to.’”

1 Saray Arari 21:19

Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Exodo 10:20

Balet pinaawet na Katawan so puso na ari, kanyan ag to inabuloyan ya ontaynan iray Israelita.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Saray Huis 9:23

Insan dineral na Dios so maung a panoolup na saray totood Sikem tan si Abimelec, kanyan nilabanan day Abimelec.