1 Saray Arari 22:22 - Maung A Balita Biblia

²² Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Maung a Balita Biblia

²² Inmebat imay ispiritu, Onla ak, ta pantilaen kon amin iray propita nen Acab. Inkuan na Katawan, Laka, ta palikdom si Acab. Nagaway pilalek mo.

1 Saray Arari 22:22 Iomraidhean Croise

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

1 Saray Arari 22:20

Tinepet na Katawan, ‘Siopay mamalikdod kinen Acab, pian onlad Ramot-galaad tan diman napatey?’ Sananey so imbaga na saray arum ya anghil tan sananey met so imbaga na arum.

1 Saray Arari 22:21

Kabebekta inmasingger so sakey ya ispiritu, nanalagey ed arap na Katawan tan kuanto, ‘Siak so mamalikdo.’ ‘Panon mon palikdoen?’ tepet na Katawan.

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

Say Libro nen Job 1:12

Inkuan na Katawan ed kinen Satanas, “Sigi sirin, ipalimak ed sikay amin a walad sikato, balet ag mo didiwiten si Job.” Kanyan tinmaynan lad arap na Katawan si Satanas.

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Saray Salmo 109:17

Nilabay toy mangisamba kanyan nisamba met komun! Kabosul toy mamindision kanyan anggapo met komuy mamindision ed sikato!

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

1 Juan 4:6

Balet kayaryan itayoy Dios. Siopamay toon kabat toy Dios, dedengelen to itayo, balet ag itayo dengelen na siopaman ya ag kayaryay Dios. Dia tayo naamtaan sirin so pandomaan na Ispiritu na katwaan tan ispiritu na tila.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 20:3

Insan to imbantak ed abut ya ag natokur, intalak toy puirta tan minarkaan to na timbri, pian samay dragon et ag to la napalikdo ray bansa ya anggad kasumpal na sanlibon taon. Kasumpal na sanliboy taon, sikatoy nepeg a papawayen a magano.

Puyan 20:7

Kasumpal na sanliboy taon, nibolus si Satanas ed aprisoan to.

Saray Huis 9:23

Insan dineral na Dios so maung a panoolup na saray totood Sikem tan si Abimelec, kanyan nilabanan day Abimelec.

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

1 Samuel 18:10

Diad ontombuk ya agew linmoob ed kinen Saul so maoges ya ispiritu a nanlapud Dios, kanyan manitaw a singa ambagel ed abung to. Manotogtog si David, na arpa, a singa gagawaen ton inagew-agew, tan sankabembenan nen Saul so pika.

1 Samuel 19:9

Aminsan linmoob kinen Saul so maoges ya ispiritu. Manyodyorung ed loob na abung tan sankabembenan toy pika. Wadman met si David a manotogtog na arpa.