1 Saray Arari 21:7 - Maung A Balita Biblia

⁷ “Aliwa tan ari ka na Israel?” ebat nen Jezebel. “Bangon kad tad katri, manliket ka tan mangan ka. Iter kod sikay kaubasan nen Nabot!”

Maung a Balita Biblia

⁷ Aliwa tan ari ka na Israel? ebat nen Jezebel. Bangon kad tad katri, manliket ka tan mangan ka. Iter kod sikay kaubasan nen Nabot!

1 Saray Arari 21:7 Iomraidhean Croise

2 Samuel 13:4

Inkuanen Jonadab ed kinen Amnon, “Anak kay ari, balet inagew-agew ta kan nanenengneng a maermen. Antoy makasengeg a?” “Walay panibeg kod kinen Tamar ya agi nen Absalom ya agik ed ina,” ebat to.

1 Saray Arari 21:6

Inmebat si Acab, “Lapud samay imbaga nen Nabot ed siak. Imbagak ed sikaton saliwen ko may kaubasan to o no labay to, salatan koy sananey a kaubasan, balet imbaga ton ag ko naala!”

Probirbio 30:31

saray mapasirayew a lalung, saray kanding, tan saray arari diad arap da ray totoo ra.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Ecclesiastes 8:4

Walay pakaoley na antokaman a gawaen na ari, tan anggapoy nayarin mibabali.

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Saray Huis 19:6

Kanyan inmirung ira may duaran lalaki, angan tan inminom ira. Insan samay ama na bii kuantod samay Levita, “Mansanlabi ka ni dia kari tan manliket ka.”

Ruth 3:7

Nen kayari nen Booz ya angan tan inminom, maliket so liknaan to. Linmad abay na nibontun a sibada tan diman la dinmokul a naogip. Nankalkalnad satan si Ruth a sinmingger ed kinen Booz, inlokas toy oles, insan dinmokul ed saliyan to.

1 Samuel 8:14

Alaen to ray sankaabigan ya kaalogan yo, saray kaubasan yo, tan saray kaolibaan yo, insan to ra iter ed saray opisyal to.

1 Samuel 8:4

Lapud saya, amin da ray pangulo na Israel nantitipon ira, linma ran nanoolup ed kinen Samuel diad Rama,