1 Saray Arari 21:5 - Maung A Balita Biblia

⁵ Dinago nen Jezebel ya asawa to tan tinepet to, “Akin et mapalaloy kagugunigon mo? Akin et ag ka mangan?”

Maung a Balita Biblia

⁵ Dinago nen Jezebel ya asawa to tan tinepet to, Akin et mapalaloy kagugunigon mo? Akin et ag ka mangan?

1 Saray Arari 21:5 Iomraidhean Croise

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

2 Samuel 13:4

Inkuanen Jonadab ed kinen Amnon, “Anak kay ari, balet inagew-agew ta kan nanenengneng a maermen. Antoy makasengeg a?” “Walay panibeg kod kinen Tamar ya agi nen Absalom ya agik ed ina,” ebat to.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

1 Saray Arari 21:4

Agunigon tan akapasnuk a sinmempet ed abung si Acab lapud samay imbaga nen Nabot ed sikato. Dinmokul ed katri to, inarap toy padir, tan ag mangan.

1 Saray Arari 21:6

Inmebat si Acab, “Lapud samay imbaga nen Nabot ed siak. Imbagak ed sikaton saliwen ko may kaubasan to o no labay to, salatan koy sananey a kaubasan, balet imbaga ton ag ko naala!”

Nehemias 2:2

kanyan tinepet to, “Akin et maermen ka? Aliwa ka met a mangiinagem, kanyan talagan maermen ka.” Apagaan ak ed saya

Ester 4:5

Insan tinawag nen Ester si Hatac, ya aripen to a sakey ed saray yunukon tinoro na ari, tan pinaonla tod kinen Mardokeo ta amtaen to no antoy nagagawa tan no akin.