1 Saray Arari 21:26 - Maung A Balita Biblia

²⁶ Nanggagawa na saray makapabaing a tuloy a kasalanan na panangigalang ed saray talintao, a singa ginagawa na saray Amorreo, saray totoon pinataynan na Katawan ed dalin nen nilooban na saray Israelita.)

Maung a Balita Biblia

²⁶ Nanggagawa na saray makapabaing a tuloy a kasalanan na panangigalang ed saray talintao, a singa ginagawa na saray Amorreo, saray totoon pinataynan na Katawan ed dalin nen nilooban na saray Israelita.)

1 Saray Arari 21:26 Iomraidhean Croise

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

2 Saray Arari 16:3

ta inalig to ray ginagawa na saray ararid Israel. Insaklang ton bagat a popoolan ed saray talintaoy diriyos so anggan say dilin anak ton laki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

2 Saray Arari 17:12

tan ag da inonur so ganggan na Katawan ya ag ira mangigalang ed saray talintaoy diriyos.

2 Saray Arari 21:11

“Ginagawa nen Manases ira yan makapaingungot a bengatlan maoges ni nen saray ginagawa da ray Cananeo; tan diad panamegley na saray talintaoy diriyos to inlagyat ton nankasalanan iray totood Juda.

2 Saray Arari 21:2

Nanggagawa na kaogsan ed arap na Katawan, ta inalig to ray makapaingungot ya ogali da ray pinapataynan na Katawan legan a mankukurang iray totoo to.

2 Saray Awaran 15:8

Apabiskeg so linawa nen Asa nen nadngel toy propisiya nen Azarias a lakin anak nen Obed. Ineekal to ray talintao a walad dalin na Juda tan Benjamin tan amin a talintao da ray siudad ya adakep to ed kapokdulan a bansa na Efraim. Inapiger to met so altar na Katawan a walad patio na Timplo.

2 Saray Awaran 33:2

Nanggagawa na kaogsan ed arap na Katawan, diad impangaalig tod saray makapaingungot ya ogali da ray totoon pinapataynan na Katawan legan a mankukurang iray totoo to.

2 Saray Awaran 33:9

Inlagyat nen Manases iray totood Juda a mankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Isaias 65:4

Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Ezekiel 16:47

Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

Josue 23:9

Pinataynan na Katawan iray totood ankakabaleg tan makapanyarin bansa legan na pankukurang yo, et anggapoy akayarin milaban ed sikayo.

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”