1 Saray Arari 21:25 - Maung A Balita Biblia

²⁵ Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

Maung a Balita Biblia

²⁵ (Anggapoy manoley a singa si Acab a sigput so impanggawa toy kaogsan ed arap na Katawansi asawa ton Jezebel so nantatanggoyur ed sikato.

1 Saray Arari 21:25 Iomraidhean Croise

1 Saray Arari 16:25

Pinalumbasan nen Omri iray akaonan nanoley nen say sikato diad impankasalanan tod Katawan.

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

1 Saray Arari 21:7

“Aliwa tan ari ka na Israel?” ebat nen Jezebel. “Bangon kad tad katri, manliket ka tan mangan ka. Iter kod sikay kaubasan nen Nabot!”

1 Saray Arari 22:52

Nankasalanan ed Katawan, ta inalig toy ginagawa di Acab ya ama to, Jezebel ya ina to, tan Ari Jeroboam a nilagyat dan nankasalanan so Israel.

1 Saray Arari 22:53

Inggalang tan nanlingkuran toy Baal tan impanpasnuk toy Katawan a Dios na Israel, a singa si ama to.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

2 Saray Arari 23:25

Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

2 Saray Arari 9:22

“Kareenay inyakaran mo dia?” tepet nen Joram ed sikato. “Panon a niwalay kareenan,” ebat nen Jehu, “no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?”

2 Saray Arari 9:34

Linmoob ed palasio, insan angan. Kabebekta inkuanto, “Ala yo man a nisamban bii, tan ipompon yo, ta sakey met ya anak na ari.”

Nehemias 13:26

Inkuankod sikara, “Saray bibiin taga arum a bansa so makasengeg na impankasalanan nen Ari Solomon, anggaman a matalonggaring ni nen saray ararid arum a bansa, tan anggaman a diad panangaro na Dios ed sikato ginawa ton ari ed intiron Israel, apattak ed sayan kasalanan.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Probirbio 22:14

Say pikakaloguran et sakey a patit—eerelen to ray pamapasnukan na Katawan.

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 52:3

Say Katawan a Dios kuantod saray totoo to, “Nen nagmaliw kayon aripen, anggapoy kuartan imbayar; ontan met anggapoy kuartan ibayar diad panondon ed sikayo.

Saray Gawgawa 14:2

Balet saray aliwan mananisian Judio sinosogsogan da ray Hintil tan tinatanggoyur da ran mamosul ed saray agagi.

Saray Gawgawa 6:12

Lapud saya, atanggoyur a nampasnuk ed kinen Esteban iray totoo, saray mamatakken na baley, tan saray iskriba. Nila ray Esteban, inerel da, insan da inyarap ed Sanidrin.

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

Saray Taga Roma 7:14

Amta tayon maispiritu so Ganggan, balet aliwa ak a maispiritun too, tan naaripen ak na kasalanan.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.