1 Saray Arari 20:6 - Maung A Balita Biblia

⁶ Natan, balet, ibakik iray opisyal ko, ta mansokimat irad palasiom tan diad kaabungan na saray opisyal mo tan alaen day antokaman ya ipapasen dan mabli. Diad singa onyan oras nabwas onla rad tan.”

Maung a Balita Biblia

⁶ Natan, balet, ibakik iray opisyal ko, ta mansokimat irad palasiom tan diad kaabungan na saray opisyal mo tan alaen day antokaman ya ipapasen dan mabli. Diad singa onyan oras nabwas onla rad tan.

1 Saray Arari 20:6 Iomraidhean Croise

Genesis 27:15

Inala nen Rebeca so walad abung a sankaabigan a kawes nen Esau, insan to insolung ed kinen Jacob.

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

1 Saray Arari 20:5

Ag abayag, pinmawil ed Acab ira may imbaki tan imbaga ray impaikuanen Ari Ben-hadad: “Impaibagak lad sika ya ipalimam ed siak iray pilak tan saray balituk mo, saray asawam tan saray anak mo.

1 Saray Arari 20:7

Impaawit nen Ari Acab ya amin iray pangulo na bansa tan kuanto, “Nengneng yo no panoy panggugunigon na sayan too ed sikatayo. Inmabuloy ak la lantid pangala tod saray asawak tan saray anak ko, saray pilak tan saray balituk ko.”

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Joel 3:5

Inaala yo ray pilak ko tan saray balituk ko tan inyaakar yod saray timplo yo iray kayamanan ko.