1 Saray Arari 20:34 - Maung A Balita Biblia

³⁴ Inkuanen Ben-hadad ed sikato, “Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria.” Inmebat si Acab, “Ibolus ta ka sirin lapud saratan a paknaan.” Akipaknay Acab ed sikato, insan to la imbolus.

Maung a Balita Biblia

³⁴ Inkuanen Ben-hadad ed sikato, Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria. Inmebat si Acab, Ibolus ta ka sirin lapud saratan a paknaan. Akipaknay Acab ed sikato, insan to la imbolus.

1 Saray Arari 20:34 Iomraidhean Croise

1 Saray Arari 15:20

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, say pasen ya asingger ed Dayat na Galilea, tan say intiron nasasakopan na Neftali.

1 Saray Arari 20:33

Inimano na saray opisyal nen Ben-hadad so maung a pakapatnagan, et nen inkuanen Acab so “agi” sinambot dan inkuan, “On, tua tay kuanmo, agim si Ben-hadad!” “Awit yo dia,” ganggan nen Acab. Kasabi nen Ben-hadad, inimbitaan nen Acab a manloganan irad karwahi.

1 Saray Arari 20:42

Insan inkuan na samay propita ed ari, “Ibabagay Katawan; ‘Lapud inabuloyan mon makabatik so ingganggan ko a pateyen mon too, patey so ibayar mo, tan napatey iray totoom lapud impamabatik mod saray totoo to.’”

1 Saray Arari 22:31

Ingganggan na arid Siria iray talomplo tan duan pangulo na saray sondalon akakarwahi ya anggapoy arum a dogpaan da no ag say ari na Israel.

2 Saray Awaran 16:4

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, tan amin da ray siudad na Neftali a panangisempenan ira na saray abasto.

2 Saray Awaran 18:30

Ingganggan na ari na Siria iray pangulo na saray sondalon akakarwahi ya anggapoy arum a dogpaan da no ag say ari na Israel.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Isaias 8:12

“Ag ka mibibiang ed pankokomplut da ray totoo tan ag ka ontatakot ed tatakotan da.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

1 Samuel 11:1

Kalabas na nayarin sakey bulan, si Nahas ya ari ed Ammon tan saray sondalo to et linma ran onlaban ed baley na Jabes a sakop na Galaad. Kinobkub da may baley, tan inkuan na saray taga Jabes ed kinen Nahas, “Mipaknaan kad sikami, tan awaten mi kan manoley ed sikami.”

1 Samuel 15:8

dinakep dan mabilay si Agag ya ari da ray Amalecita, balet pinatey dad panamegley na ispada iray amin a totoo.

1 Samuel 15:9

Si Saul tan saray totoo to et ag da pinatey si Agag, tan ag da met pinatey iray sankaabigan a karniro, baka, saray kilaw na baka tan kordiro, tan amin a bengatlan walay kana; dineral da balet iray amin ya andi-kana o aliwliwa.