1 Saray Arari 20:21 - Maung A Balita Biblia

²¹ Linmad bakalan si Ari Acab, inaala to ray kabayo tan saray karwahi na saray kalaban to, tan amayamay so pinapatey ton Siriano.

Maung a Balita Biblia

²¹ Linmad bakalan si Ari Acab, inaala to ray kabayo tan saray karwahi na saray kalaban to, tan amayamay so pinapatey ton Siriano.

1 Saray Arari 20:21 Iomraidhean Croise

1 Saray Arari 20:20

Apatey na balang sakey ed sikara so kalaban to. Batik iray Siriano, tan inoosilan ira na saray Israelita. Akakabayon binmatik si Ben-hadad tan saray pigaran akakabayo met a kaiba to.

1 Saray Arari 20:22

Insan linmay propita ed kinen Ari Acab tan kuanto, “Pawil ka tan pabiskeg moy kipapasen da ray sondalom tan apiapiger moy panagplanom, ta diad arapen a tiagew dogpaan ka lamet na ari na Siria.”

2 Saray Arari 3:18

Intuloy nen Eliseo ya inkuan, “Mainomay na Katawan a gawaen ya; panaloen to kayo met ed saray Moabita.

2 Saray Arari 3:24

Balet kasabi rad kampo, dinogpaan iray Israelita tan pinasener da ra. Inosilan na saray Israelita iray Moabita, pinapatey da ra

Josue 10:20

Pinapatey ira nen Josue tan saray totood Israel; balet wala ray akaloob ed dalem na saray padir na siudad da, kanyan ag ira apatey.

Saray Huis 11:33

Dinogpaan to ra manlapud Aroer ya anggad pasen a kaliber-liber na Minnit, duamplon siudad ya amin, tan anggad Abeleramin. Agaylay karakel na apatey ed saman a bakal, tan tinalo na Israel iray Ammonita.

Saray Huis 3:28

Inkuantod sikara, “Tombuk yo ak! Impanalo kayo na Katawan ed saray kalaban yon Moabita.” Kanyan tinombuk dan nampaleksab si Aod tan dinakep day pasen a babaliwan na saray Moabita ed Ilog na Jordan; ag da inabuloyan so siopaman a toon ombaliw.

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.

1 Samuel 19:8

Tinmerak lamet so bakal sumpad saray Filisteo. Dinogpaan ira nen David; amayamay iray apatey a Filisteo, kanyan kibatiktik iray arum.