1 Saray Arari 20:11 - Maung A Balita Biblia

¹¹ Inmebat si Ari Acab, “Ibaga yod kinen Ben-hadad a mampasirayew so peteg a sondalo kayariy bakal, aliwan diad kasakbayan na bakal.”

Maung a Balita Biblia

¹¹ Inmebat si Ari Acab, Ibaga yod kinen Ben-hadad a mampasirayew so peteg a sondalo kayariy bakal, aliwan diad kasakbayan na bakal.

1 Saray Arari 20:11 Iomraidhean Croise

2 Saray Arari 3:21

Nen nadngelan na saray Moabita a sinmabi ray taloran ararin ondogpad sikara, atawag tan nipasen ed ketegan iray amin a lalakin makabemben lay armas, manlapud sankalangweran ya anggad sankatakkenan.

Say Libro nen Job 41:8

Diwit mon maminsan et ag mo labay ya oliten; ag mon balut nalingwanan so laban!

Probirbio 27:1

Ag mo ipapasirayew so nipaakar ed nabwas. Ag mo amta no nagawa ed sayan agew.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Jeremias 46:17

“Itdan yo na balon ngaran so Egipto, ‘Say Maknul a Mapaatagey ya Apalabas Toy Pankanawnawa To.’

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Mateo 26:75

Insan anunotan nen Pedro may sinalita nen Jesus ed sikato, “Kasakbayay ikukaok na lalung, ibori mo ak a mamitlo.” Pinmaway si Pedro tan inmakis na ampaipait.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”