1 Saray Arari 2:7 - Maung A Balita Biblia

⁷ “Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

Maung a Balita Biblia

⁷ Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

1 Saray Arari 2:7 Iomraidhean Croise

Genesis 40:14

Balet kerewen ko pad sika a no maung lay kipapasen mo et salita mo ak met ed kinen ari, pian natulongan mo ak ya ompaway ed sayan prisowan.

2 Samuel 19:28

Kanepegan a pateyen mo ray amin a kabyangay boleg nen Saul, balet initdan mo ak na kanepegan a mangan ed lamisaan mo. Anggapo lay kanepegan kon onkerew ni na antokaman a panangasi ed sika.”

2 Samuel 9:10

Sika, saray anak mo, tan saray aripen mo so ondalus ed dalin para sikato; iter yod sikatoy naani, pian walay taganoy pamilya to. Balet si Mefiboset mangan lawas ed lamisaan ko.” (Si Siba labinliman lalaki so anak to tan duamplo so aripen to.)

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

2 Saray Arari 25:29

Kanyan naabuloyan si Joakin a mansalat na kawes ton kawes na priso tan mirongo ed ari legan na impanbilay to.

2 Saray Arari 25:30

Naitdan ya inagew-agew na kuartan gastosen to a para sikaton dili legan ton nambilay.

Esdras 2:61

Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai. (Say laki na saray paparin kabyangay boleg nen Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan to.) Ag ira naawat a papari, lapud ag da napaneknekan no siopa ray lalaki ra.

Probirbio 27:10

Ag mo lilingwanan iray kakaarom, odino saray kakaaro nen amam. No wala kad gunigon ag ka onkekerew na tulong ed agim; natulongan ka ni na kaabay mo nen say agim a walad arawi.

Jeremias 52:33

Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.

Lucas 12:37

Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.