1 Saray Arari 2:4 - Maung A Balita Biblia

⁴ No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

Maung a Balita Biblia

⁴ No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

1 Saray Arari 2:4 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

2 Samuel 7:25

“Katawan a Dios, sumpal mo pad amin a panaon so insipan mo nipaakar ed siak tan saray kabyangay boleg ko, tan gawam pay onung na sinalitam.

1 Saray Arari 1:48

tan kuanto, ‘Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!’”

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 3:14

Et no mambilay ka onung na linawak, no onuren mo ray ganggan tan saray bilin ko a singa ginawa nen amam a David, itdan ta ka na andokey a bilay.”

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

1 Saray Arari 6:12

“No onuren mo ray ganggan tan saray bilin ko, sumpalen kod sikay insipan kod kinen amam a David.

1 Saray Arari 8:23

tan nampikasi, “Katawan a Dios na Israel, anggapoy arum a dios a miparad sika diad tawen odino diad dalin! Matoor kad impisipanan mod saray totoom tan ipapanengneng moy ag mangoman a panangarom ed saray totoon sigput a matoor ed sika.

1 Saray Arari 8:25

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak a David nen inkuan mod sikaton wala lawas so kabyangay boleg ton manari ed Israel, no saray kabyangay boleg to et mapeleng iran mangonur ed sika a singa impangonur tod sika.

1 Saray Arari 9:5

sumpalen ko may insipan kod kinen amam a David nen imbagak ed sikato a sakey a kabyangay boleg to so lawas manoley ed Israel.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

2 Saray Arari 23:25

Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

2 Saray Arari 23:3

Nanalagey ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro. Insipan met na amin a totoo a sumpalen da so sipanan.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Saray Awaran 17:3

Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.

2 Saray Awaran 6:16

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak sanen inkuanmod sikaton wala lawas so kabyangay boleg ton manari ed Israel, no saray kabyangay boleg to et pampelengan dan onuren so Ganggan mo a singa impangonur tod sika.

2 Saray Awaran 7:18

sumpalen ko may sipan kod kinen amam a David nen imbagak ed sikato a say Israel et lawas oleyan na saray kabyangay boleg to.

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Saray Salmo 37:22

Ta saray binindisionay Katawan et nakayaryan day dalin, balet napagit iray insamba to.

Saray Salmo 37:9

Nakayaryan na saray manmamatalek ed Katawan so dalin balet napagit iray totoon maoges.

Saray Salmo 39:1

Inkuanko, “Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.”

Jeremias 33:17

Siak, say Katawan, isisipan ko a wala lawas so manarid Israel a kabyangay boleg nen David,

Levitico 26:3

“No mambilay kayo onung ed saray ganggan ko tan onuren yo ray bilin ko,

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Mateo 22:37

Inmebat si Jesus, “‘Arom so Katawan a Dios mo ed intiron pusom, diad intiron kamarerwam, tan diad intiron kanunotan mo.’

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—