1 Saray Arari 2:32 - Maung A Balita Biblia

³² Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Maung a Balita Biblia

³² Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

1 Saray Arari 2:32 Iomraidhean Croise

Genesis 4:11

Nisamba ka; ag mo la nadalusan so dalin a singa inlokas toy sangi to nen inesep toy dala na agim a pinatey mo.

Genesis 42:22

Inkuanen Ruben, “Imbagak ed sikayon ag yo didiwiten, et ag yo ak met dinengel. Natan nadudusa itayo, lapud impatey to.”

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

2 Samuel 17:25

Si Absalom insalat toy Amasa ed pasen nen Joab a pangulo na saray sondalo. Si Amasa lakin anak nen Itra ya Ismaelita; say ina to si Abigail ya anak nen Nahas tan agi na ina nen Joab a si Sarvia.)

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

2 Samuel 3:37

Amin a totoo nen David tan amin a totood Israel et akabatan da ya anggapoy pibabali nen David ed impatey nen Abner.

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

2 Samuel 4:11

Ag kasi lalon ambelat a dusa so iter ed saray totoon maoges lapud pamatey da ed toon anggapoy kasalanan a naogip ed dilin abung to? Ombawi ak natan ed sikayo lapud impamatey yod sikato, tan paandien ta kayo ed tapew na dalin!”

1 Saray Arari 2:44

Insan to inyarum ya inkuan, “Kabkabat mo ray maoges a ginagawam ed kinen amak a David, anto? Dusaen kay Katawan, lapud saraman a maoges a ginagawam.

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

1 Saray Arari 8:32

O Katawan, dengel ka pad tawen tan sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

2 Saray Awaran 21:13

Inalig mo ingen iray maoges ya ararid Israel tan inlagyat mo ray totood Juda tan Jerusalem ed panusumlang dad Dios, a singa impangilagyat nen Acab tan saray sinmasalat ed sikato ed saray totood Israel diad impanumlang dad Katawan. Pinapatey mo met iray agagim a lalakin maung ni ran totoo nen say sika.

2 Saray Awaran 21:14

Lapud saya, mapalaloy panusa na Katawan ed saray totoom, saray anak mo, saray asawam, tan deralderalen to ray kayamanan mo.

Ester 1:19

No labay na Kagalang ya Ari, mangipaakseb kay ganggan ya ag lan balut omparontal ed arap na ari si Vasti. Ipaisulat mod saray ganggan na Persia tan Media, pian ag lan balut naoman. Insan mo iter ed magmaung a bii so inkariyna nen Vasti.

Saray Salmo 7:16

Kanyan dudusaen ira lamlamang na dilin kaogsan da, tan napapasakitan ira na dilin panagduksa ra.

Saray Salmo 7:17

Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Ezekiel 17:19

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan dusaen ko so arid Juda, lapud sinumlang to so paknaan a sinambaan tod ngaran ko ya onuren.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Saray Huis 9:57

Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.