1 Saray Arari 2:31 - Maung A Balita Biblia

³¹ “Gawam so imbaga nen Joab,” ebat nen Solomon. “Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

Maung a Balita Biblia

³¹ Gawam so imbaga nen Joab, ebat nen Solomon. Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

1 Saray Arari 2:31 Iomraidhean Croise

2 Samuel 3:28

Nen nadngelan nen David so agawa inkuanto, “Kabat na Katawan a saray totook tan siak et anggapoy pibabali mid sayan impamatey ed kinen Abner ya anak nen Ner.

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

1 Saray Arari 2:30

Linmad samay tulda si Benaya tan kuantod kinen Joab, “Ingganggan na ari ya ompaway ka.” “Andi,” ebat nen Joab. “Labay ko diay ompatey.” Pinmawil ed ari si Benaya tan imbalita toy imbaga nen Joab.

2 Saray Arari 9:26

‘Anengneng ko karuman so impamatey ed kinen Nabot tan saray anak ton lalaki. Isipan kon dusaen ta kad sayan alog.’ Kanyan alam so bangkay nen Joram,” ganggan nen Jehu ed kapitan, “ta ibantak mod alog nen Nabot, onung na imbagay Katawan.”

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Probirbio 28:17

Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Saray Bilang 35:33

No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”