1 Saray Arari 2:3 - Maung A Balita Biblia

³ sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

Maung a Balita Biblia

³ sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

1 Saray Arari 2:3 Iomraidhean Croise

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

2 Saray Arari 18:7

Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:138

Sigput a matonung tan maptek iray inter mon pananontonan.

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Levitico 8:35

Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.”

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Deuteronomio 29:8

inala tayoy dalin da, tan inapag tayod saray tribu nen Ruben tan Gad, tan diad kapaldua na tribu nen Manases.

Deuteronomio 29:9

Pampelengan yon onuren iray yan amin a pasusumpal na sayan sipanan, pian onaligwas kayod amin a gawaen yo.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 4:8

Anggapoy arum a bansa, anggan anto lay pakapanyari to, a walaan na saray ganggan a matonung a singa saray ganggan ya imbangat ko natan ed sikayo.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Josue 22:5

Pampelengan yon onuren so ganggan ya inter ed sikayo nen Moises: aro yoy Katawan a Dios yo, onur yoy linawa to, sumpal yo ray ganggan to, nepeg a matoor kayo lawas ed sikato, tan lingkuran yo ed intiron puso tan kamarerwa yo.”

Josue 23:6

Kanyan pampelegan yon onuren tan sumpalen iray amin a nisulat ed libro na Ganggan nen Moises. Ag yo papaolyan so anggan anton parti na ganggan,

1 Samuel 18:14

tan maaligwas ed amin a ginawa to, ta walad sikato so Katawan.

1 Samuel 18:30

Kapag onsabin mibakal iray Filisteo, maaligwas nin mibakal si David nen saray arum ya opisyal nen Saul. Lapud saya, lalon binmantug si David.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.