1 Saray Arari 2:22 - Maung A Balita Biblia

²² “Akin et kekerewen yon iter kod sikatoy Abisag?” tepet na ari. “Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!”

Maung a Balita Biblia

²² Akin et kekerewen yon iter kod sikatoy Abisag? tepet na ari. Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!

1 Saray Arari 2:22 Iomraidhean Croise

2 Samuel 12:8

Inter kod sikay nanarian to tan saray asawa to; ginawa ta kan ari na Israel tan Juda. No kinmulang ni ya, initdan ta ka ni komun na singa karakel na inter ko lad sika.

2 Samuel 16:21

Inmebat si Ahitofel, “Laka, ta akdulan mo ray bibiin inamung nen amam ya intilak to ran manasikasod palasio. Diad ontan, nakabatan na intiron Israel a bobosulen ka nen amam, tan napabiskeg so linawa da ray totoom.”

1 Saray Arari 1:11

Insan linmay Natan ed kinen Bat-seba ya ina nen Solomon tan kuanto, “Ag mo ni nadngelan a si Adonias a lakin anak nen Hagit et ginawa toy sikaton dili ya ari? Ag ya kabat nen Ari David!

1 Saray Arari 2:15

Inmebat, “Amtam a siak komuy nagmaliw ya ari tan inilaloan ya na amin a too ed Israel. Balet sananey so agawa, ta say agik so nagmaliw ya ari lapud linawa na Katawan a sikatoy manari.

1 Saray Awaran 3:2

Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.

1 Saray Awaran 3:5

tan amayamay iray lalakin anak tod man. Apatiran lalaki so anak tod kinen Batseba ya anak nen Amiel: di Semea, Sobab, Natan, tan Solomon.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

Marcos 10:38

Inkuanen Jesus ed sikara, “Ag yo amtay kekerewen yo. Nayarian yo kasiy oninom ed kupan nepeg kon inoman? Nayarian yo kasiy mampabinyag ed pampabinyagan ko?”

Santiago 4:3

Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.