1 Saray Arari 2:2 - Maung A Balita Biblia

² Inkuanto, “Magano lay ipatey ko. Pabiskeg moy linawam tan ipanengneng mon laki ka;

Maung a Balita Biblia

² Inkuanto, Magano lay ipatey ko. Pabiskeg moy linawam tan ipanengneng mon laki ka;

1 Saray Arari 2:2 Iomraidhean Croise

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

2 Samuel 12:23

Balet natan ta inatey la, akin et manayuno ak? Napabilay ko ta ni? Onsabiy agew ya onla ak ed pasen a kawalaan to, balet ag to lan balut makapawil ed siak.”

1 Saray Arari 3:7

O Katawan a Dios, insalat mo ak ed kinen amak a manari, anggaman ya ogaogaw ak ni tan ag ko amta no panoy panoley.

1 Saray Awaran 22:13

Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.

1 Saray Awaran 22:16

na balituk, pilak, gansa, tan balatyang. Kanyan igapom la so kimey, tan mansiansia komun ed sika so Katawan.”

1 Saray Awaran 28:10

Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawam—ipaalagey mo.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Say Libro nen Job 16:22

Daiset lan taon so akeraan a pambilay ko, tan mankukurang ak ed dalan ya ag ko la pawilen.

Say Libro nen Job 30:23

Amtak ya iyaakar mo ak la ed patey, say pansumpalan na amin a mabilay.

Saray Salmo 89:48

Siopay makapambilay ya ag ompatey? Panon a napaliisay too so lobuk?

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Deuteronomio 31:23

Insan say Katawan akisalitad kinen Josue a lakin anak nen Nun tan inkuantod sikato, “Pabiskeg moy linawam tan manmatalek ka. Ipangulom iray Israelita ya onlad dalin ya insipan kod sikara, et olupen ta ka.”

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.