1 Saray Arari 19:19 - Maung A Balita Biblia

¹⁹ Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

Maung a Balita Biblia

¹⁹ Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

1 Saray Arari 19:19 Iomraidhean Croise

1 Saray Arari 19:13

Nen nadngel nen Elias insakbung tod lupa toy kolibemben to, pinmaway tan nanalagey ed wangalay ongib. Inkuan ed sikato na samay bosis, “Elias, antoy gagawaen mo dia?”

1 Saray Arari 19:16

tan lanaan mo met a manarid Israel si Jehu a lakin anak nen Nimsi. Lanaan mo met ya onsalat ed sikan mampropita si Eliseo a lakin anak nen Safat a taga Abelmehola.

2 Saray Arari 2:8

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Amos 7:14

Inmebat si Amos, “Aliwa ak a propita odino anak na propita. Managkomponi ak na saray karniro, tan managasikasod ak na kakiewan na igos.

Amos 7:15

Balet say Katawan inekal to ak ed kimey kon pumapastol tan ingganggan to ya onla ak a mampropisiya ed saray totoo ton Israel.

Zacarias 13:5

Ibaga to la laingen, ‘Aliwa ak a propita. Sakey ak a dumaralus tan ondadalus ak nanlapu lad impanbalolakik.’

Saray Hebreo 11:37

Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

1 Samuel 11:5

Onsasabid saman si Saul a nanlapud alog tan sankatengteng to ray baka to. Tinepet to, “Antoy maoges ya agawa? Akin et onaakis so balang sakey?” Imbaga rad sikato so imbalita da ra may nanlapud Jabes.

1 Samuel 28:14

“Antoy nengneng to ey?” tepet nen Saul. “Sakey a masiken so ompapaway,” ebat to. “Akakolibemben.” Insan naamtaan nen Saul a si Samuel iman a tua, kanyan dinmakmomo ya anggad dalin a pamagalang to.