1 Saray Arari 19:12 - Maung A Balita Biblia

¹² Kayari to may yegyeg walay pool—balet andid man ed pool so Katawan. Kayariy pool walay makalkalnan esaes na bosis.

Maung a Balita Biblia

¹² Kayari to may yegyeg walay poolbalet andid man ed pool so Katawan. Kayariy pool walay makalkalnan esaes na bosis.

1 Saray Arari 19:12 Iomraidhean Croise

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

2 Saray Arari 1:10

“No sakey ak a too na Dios,” ebat nen Elias, “ompelag komun a manlapud tawen so apoy a mamatey ed sika tan saray totoom!” Pinmelag a tampol a nanlapud tawen so apoy ya amatey ed samay opisyal tan saray totoo to.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

Say Libro nen Job 33:7

Kanyan anggapoy makasengeg na itakot mod siak; ag ta ka sarasarag a taloen.

Say Libro nen Job 4:16

Walay sankanengneng kon manalalagey ed arap ko, balet ag ko nibaga no anto. Insan diad kareenan nadngel koy sakey a bosis,

Exodo 3:2

Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Saray Gawgawa 2:2

Kabebekta, nadngel day sakey ya ungol a nanlapud tawen. Singa siplug na maksil a dagem, tan pinano toy intiron abung a kawalaan da.

Deuteronomio 4:15

“Anggapon balut so anengneng yo nen say Katawan et akisalitad sikayo manlapud apoy diad Palandey na Sinai. Kanyan manalwar kayo,

Deuteronomio 4:33

Wala la kasi ray totoon siansian nambilay a singa sikayo kayariy impakadngel dad dios ya akisalitad sikara manlapud apoy?

Saray Hebreo 12:29

ta say Dios tayo et manangoput ya apoy.