1 Saray Arari 19:11 - Maung A Balita Biblia

¹¹ “Paway ka tan manalagey kad arap ko diad toktok na palandey,” inkuan ed sikato na Katawan. Insan dinmalan so Katawan, angibakiy mabiskeg a dagem a nanyegyeg ed saray palandey tan amisagpisag ed saray baton ankabaleg—balet andid man ed dagem so Katawan. Tinmonday siplug to may mabiskeg a dagem, insan walay yegyeg—balet andid man ed yegyeg so Katawan.

Maung a Balita Biblia

¹¹ Paway ka tan manalagey kad arap ko diad toktok na palandey, inkuan ed sikato na Katawan. Insan dinmalan so Katawan, angibakiy mabiskeg a dagem a nanyegyeg ed saray palandey tan amisagpisag ed saray baton ankabalegbalet andid man ed dagem so Katawan. Tinmonday siplug to may mabiskeg a dagem, insan walay yegyeg--balet andid man ed yegyeg so Katawan.

1 Saray Arari 19:11 Iomraidhean Croise

Say Libro nen Job 38:1

Manlapud bagyo, say Katawan akisalitad kinen Job:

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 68:8

yinmegyeg so dalin, tan angipelag na oran so tawen, lapud isabiy Dios na Sinai, say isabiy Dios na Israel.

Saray Salmo 68:9

Pinaoran moy maksil, tan pinatabam lamet so kinmelang lan dalin mo;

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Exodo 19:20

Say Katawan inmakseb ed toktok na Palandey na Sinai tan tinawag tod man si Moises. Kinmalab ed toktok na palandey si Moises

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 24:12

Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.”

Exodo 24:18

Si Moises intuloy toy kinmalab ed palandey ya akobutan na lorem. Nanayam diman ed loob na apataplon agew tan apataplon labi.

Exodo 34:2

Mamparaan ka nabwas na kabwasan, kalab kad Palandey na Sinai, tan bana mo ak dimad tagey to.

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Ezekiel 1:4

Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.

Ezekiel 37:7

Kanyan nampropisiya ak onung na nibagad siak. Legan ak a mansasalita, akadngel ak na makmaksil a tanul, insan ginmapon natotoop ira may pokel.

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.