1 Saray Arari 19:10 - Maung A Balita Biblia

¹⁰ Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Maung a Balita Biblia

¹⁰ Inmebat si Elias, Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilaktan labay da ak nin pateyen.

1 Saray Arari 19:10 Iomraidhean Croise

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

1 Saray Arari 18:17

Nen anengneng nen Acab si Elias, inkuanto, “A, wadya ka manaya, sikan managgunigon ed Israel!”

1 Saray Arari 18:20

Kanyan impantitipon nen Acab ed Palandey na Carmelo iray amin a totood Israel tan saray propita nen Baal.

1 Saray Arari 18:22

Insan inkuanen Elias, “Bukbukor ko lay atilak a propita na Katawan, balet apat a lasus iray propita nen Baal.

1 Saray Arari 18:30

Insan inkuanen Elias ed saray totoo, “Asinggeran yo ak,” kanyan minokut da. Inapiger toy nigeban altar na Katawan.

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:14

Inmebat, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Saray Arari 20:13

Legan to ya, linmay sakey a propita ed kinen Ari Acab tan kuanto, “Ibabagay Katawan, ‘Ag ka ontatakot ed saraman ya amayamay a sondalo! Panaloen ta kad sayan agew, et diad ontan naamtaan mo a siak so Katawan.’”

1 Saray Arari 20:22

Insan linmay propita ed kinen Ari Acab tan kuanto, “Pawil ka tan pabiskeg moy kipapasen da ray sondalom tan apiapiger moy panagplanom, ta diad arapen a tiagew dogpaan ka lamet na ari na Siria.”

1 Saray Arari 20:35

Lapud ganggan na Katawan, say sakey a kabyangay grupo na saray propita ingganggan toy sakey a kapara ton propita, “Kabil mo ak!” Balet ag to kinabil.

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

2 Saray Arari 10:16

tan kuanto, “Mila kad siak, ta nengneng moy inkatoor kod Katawan.” Nanloganan iran dua ya anggad Samaria.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Saray Salmo 119:126

Katawan, natan lay pangipanengneng moy pakayarim, tan saray totoo susumlangen day ganggan mo!

Saray Salmo 119:139

Singa apoy a mamopool ed siak so pasnuk ko, lapud ag ikabkabilangan na saray kalaban ko iray ganggan mo.

Saray Salmo 119:26

Impatwak ya amin iray ginagawak, et inebatan mo ak; ibangat mo pad siak so pananontonan mo!

Saray Salmo 69:9

Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

Saray Salmo 78:37

Ag ira nansiansian matoor ed sikato, tan ag da sinumpal so impisipanan dad sikato.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Isaias 49:4

Inkuanko, “Nankimey ak, et anggapoy kabaliksan so impansagput ko! Inoput koy amin a biskeg ko, balet anggapoy agawaan ko.” Anggaman ontan napanmatalkan koy Katawan a mangyaalagey na kanepegan ko; tumangan to ak lapud saray gagawaen ko.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 36:26

Insan ingganggan na ari ira di Jerameel a prinsipi, Seraya a lakin anak nen Azriel, tan Selemias a lakin anak nen Abdeel, ya erelen da ak tan si Baruc a sikritariok. Balet inyamut kami na Katawan.

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Saray Bilang 25:11

“Lapud samay ginawa nen Finees, ag ak la mamapasnuk ed saray totood Israel. Ag to inyabuloy so pangigalang ed dinan man a dios likud ed siak, kanyan ag ko ra dineral ya amin ed pasnuk ko.

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Juan 2:17

Anunotan na saray disipulo so walad Masanton Sulat: “Say panangisakit kod abung mo et singa manliub ya apoy ed pusok.”

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Saray Hebreo 11:37

Wala rad sikaray tinutupak, wala ray impankadwan nilagari, tan saray arum pinatey da rad ispada. Nanakar-akar iran sikakawes na katat na karniro odino kanding; mairap-bilay ira, pinapairap tan pinapabaingan da ra.