1 Saray Arari 18:5 - Maung A Balita Biblia

⁵ Inkuanen Acab ed kinen Obadias, “Tala, ta anapen tan amin iray kawalaay sobul tan saray kolus diad intiron nanarian, tan nengnengen ta no wala ray dikan nipakan tayod saray kabayo tan saray mula, pian ag ira ompatey. Angangko ag tayo mamatey na anggan sakey ed saray ayayep tayo.”

Maung a Balita Biblia

⁵ Inkuanen Acab ed kinen Obadias, Tala, ta anapen tan amin iray kawalaay sobul tan saray kolus diad intiron nanarian, tan nengnengen ta no wala ray dikan nipakan tayod saray kabayo tan saray mula, pian ag ira ompatey. Angangko ag tayo mamatey na anggan sakey ed saray ayayep tayo.

1 Saray Arari 18:5 Iomraidhean Croise

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 18:6

Akapampakna ra no anton pasen so laen na balang sakey ed sikara, kanyan nansian ira.

Saray Salmo 104:14

Patutuboen mo ray dikarika a pambilay na saray ayayep tan saray tantanaman ya ikakana na katoowan, pian makapantanem iray pambilay da

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Joel 1:18

Manngakngak a tangaw-tangaw iray baka, lapud anggapoy pampastolan ed sikara; maniiirap met iray amayamay a karniro.

Joel 1:20

Oneeyey ed sika iray ayayep ed katakelan, lapud nakatan iray kolus.

Joel 2:22

Ayayep, ag kayo natatakot. Malamlambut iray dikad pastolan; mambubunga iray kakiewan, tan walay daakan a bungay igos tan ubas.

Amos 4:8

Saray totood arum a siudad linma ran mananap na danum ed sakey a siudad, balet anggapoy nalmo ran magenap a danum ya inomen. Et siansia nin ag kayo pinmawil ed siak.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,