1 Saray Arari 18:19 - Maung A Balita Biblia

¹⁹ Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

Maung a Balita Biblia

¹⁹ Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebal.

1 Saray Arari 18:19 Iomraidhean Croise

1 Saray Arari 15:13

Inekal to si bai ton Maaca ed kipapasen ton riynan ina, ta nanggawa na makapaingungot a talintao na diosan Asera. Binatang nen Asa imay talintao, insan to pinoolan ed Patar na Cedron.

1 Saray Arari 16:33

Nanggawa met na talintao nen diosan Asera. Pinalumbasan ton nankasalanan iray amin ya ararid Israel ya akaonan nanoley nen say sikato, lapud saray ginagawa ton maoges ya amasnukay Katawan a Dios na Israel.

1 Saray Arari 18:20

Kanyan impantitipon nen Acab ed Palandey na Carmelo iray amin a totood Israel tan saray propita nen Baal.

1 Saray Arari 18:22

Insan inkuanen Elias, “Bukbukor ko lay atilak a propita na Katawan, balet apat a lasus iray propita nen Baal.

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

2 Saray Arari 10:19

Tawag yo sirin iray amin a propita nen Baal, amin a manangigalang ed sikato, tan amin a papari to. Anggapoy siopaman ya ag dia onla, ta mangisaklang ak na baleg a bagat ed Baal; napatey so siopaman ya andi dia.” (Impansilib ya nen Jehu, ta labay ton pateyen ya amin iray manangigalang ed Baal.)

2 Saray Arari 13:6

Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

2 Saray Arari 2:25

Manlapud man tinmuloy ed Palandey na Carmelo si Eliseo, insan pinmawil ed Samaria.

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

2 Saray Arari 9:22

“Kareenay inyakaran mo dia?” tepet nen Joram ed sikato. “Panon a niwalay kareenan,” ebat nen Jehu, “no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?”

Nehemias 5:17

Naynay kon pinakan ed lamisan ko so sanlasus tan limamplon Judio tan saray pangulo ra, likud nid saray arum a totoon dinmagod siak a taga ra kaliber-liber a bansa.

Kanta nen Solomon 7:6

Agaylay simpit mo, agaylay gangganam; sigput so gayagan iiter na panangarom.

Jeremias 23:13

Anengneng koy kasalanan na saray propitad Samaria; nampropisiya rad ngaran nen Baal, tan imbalang da ray totook ya Israelita.

Jeremias 46:18

Siak, a Katawan a Makapanyarin-amin, et ari. Siak so mabilay a Dios. Say biskeg na onsabin ondogpa ed sikayo et singa Palandey na Tabor ya atagey nen saray arum, tan singa Palandey na Carmelo a diad kinaatagey to et ososdungan toy dayat.

Amos 1:2

Inkuanen Amos, “Unuungol a manlapud Sion so Katawan; onkakarul a manlapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.”

Amos 9:3

No onamut irad toktok na Palandey na Carmelo, anapen ko ra et erelen ko ra. No iyamutan da ak ed dalem na dayat, iganggan koy dragon ed dayat ta ketketen to ra.

Josue 19:26

Alamelec, Amad, tan Misal. Diad sagur nasabi toy Carmelo tan Sihor-libnat.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

1 Samuel 15:12

Kabkabwasan ed ontombuk ya agew linman anapen toy Saul. Nadngelan ton linmad baley na Carmel si Saul, a dimay nanggawaan toy monuminto to, insan tinmuloy ed Gilgal.