1 Saray Arari 17:13 - Maung A Balita Biblia

¹³ “Ag ka mapaga,” kuanen Elias ed sikato. “Laka la, ta iparaan moy kanen yo. Balet igawaan mo ak ni ed satay walad sikan arina na sakey a tinapay, insan mo dia iyakar. Kayarim iparaan moy kera para sika tan say anak mon laki.

Maung a Balita Biblia

¹³ Ag ka mapaga, kuanen Elias ed sikato. Laka la, ta iparaan moy kanen yo. Balet igawaan mo ak ni ed satay walad sikan arina na sakey a tinapay, insan mo dia iyakar. Kayarim iparaan moy kera para sika tan say anak mon laki.

1 Saray Arari 17:13 Iomraidhean Croise

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

1 Saray Arari 17:12

Inmebat imay bii, “Diad ngaran na mabilay a Katawan a Dios mo, sambaan kod sikan anggapoy tinapay ko. Sankaakup labat so arinak a walad pasig tan dagdaiset a larak na oliban walad garapon. Linma ak diad mandokdok na itongo, insan ko isempet, ta iparaan ko may arinak a para siak tan say anak kon laki. Kaonuran la man a kanen mi, insan ompatey kami lad eras.”

1 Saray Arari 17:14

Ta onyay inkuan na Katawan a Dios na Israel, ‘Ag naandian na arina so pasig, tan ag naandian na larak so garapon anggad ed agew a siak, say Katawan et mangipelag ak na oran.’”

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:13

Siak so Katawan a Dios yo; Pabiskegen ta kayo tan ibagak ed sikayo, ‘Ag kayo natatakot; tulongan ta kayo.’”

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Mateo 10:37

“Siopamay babaleg so panangaro tod ama o ina to nen say panangaro tod siak et ag manepeg ed siak. Ontan met, siopamay babaleg so panangaro tod anak ton laki o bii nen say panangaro tod siak, ag manepeg ed siak.

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Saray Gawgawa 27:24

‘Ag ka natatakot, Pablo!’ inkuanto. ‘Nepeg moy onarap ed Impirador. Lapud sika, ilaban na Dios iray amin a kakaibam a mambiabiahi.’

Saray Hebreo 11:17

Lapud pananisia, si Abraham, nen sinubok na Dios, inter ton bagat si anak ton Isaac. Si Abraham so angiteray Dios na sipan; anggaman ontan, sipaparaan a mangibagat ed saksakey ya anak to.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.