1 Saray Arari 14:4 - Maung A Balita Biblia

⁴ Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.

Maung a Balita Biblia

⁴ Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.

1 Saray Arari 14:4 Iomraidhean Croise

Genesis 27:1

Masiken lay Isaac tan bulag la. Impatawag toy Esau ya anak ton pangulowan tan inkuanto, “Anak ko!” “Wadya ak, ama,” ebat to.

Genesis 48:10

Korarap la ray mata nen Jacob, lapud masiken la, tan ngalngali la ag makanengneng. Inyasingger nen Jose ira may ogogaw ed sikato, nilakap to ra tan inanguban to ra.

1 Saray Arari 11:29

Aminsan ya agew, nen manaakar a nanlapud Jerusalem si Jeroboam, inabet nen propita Ahias a taga Silo; bukbukor dan dua ed dalan diad maawang a bario. Akasolung na balon kawes si Ahias;

1 Saray Arari 14:2

Inkuanen Jeroboam ed kinen asawa to, “Oman moy nengneng mo, pian anggapoy makabirbir ed sika. Insan lakad Silo a panaayaman nen Ahias, say propitan angibagan manari ak ed Israel.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

Ecclesiastes 12:3

Diad satan, onggiwgiw la ray taklay mon angyaagel na bilay mo nen saman, tan onkalug la ray pueg mo. Nangileb-ngileb ka met lad satan kanyan ag mo la nagatgat so kanen mo, tan onkuyep met lay pakanengneng mo.

Deuteronomio 34:7

Sanlasus tan duamploy taon nen Moises nen inatey; ag angoman so biskeg to, tan maung niy pakanengneng to.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

1 Samuel 3:2

Aminsan a labi si Eli a ngalngali la bulag et naogip ed dilin kuarto to.

1 Samuel 4:15

Siamaplo tan walo lay taon nen Eli natan tan ngalngalin ag la makanengneng.)