1 Saray Arari 14:16 - Maung A Balita Biblia

¹⁶ Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

Maung a Balita Biblia

¹⁶ Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.

1 Saray Arari 14:16 Iomraidhean Croise

1 Saray Arari 12:30

Kanyan nankasalanan iray totoo diad iyaakar dan mangigalang ed Betel tan diad Dan.

1 Saray Arari 13:34

Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

1 Saray Arari 15:26

Nanggagaway kaogsan ed arap na Katawan tan inlagyat ton nankasalanan so Israel, a singa ginawa nen ama to.

1 Saray Arari 15:30

Agawa ya lapud impanpasnuk nen Jeroboam so Katawan a Dios na Israel, diad impankasalanan to tan diad impangilagyat ton nankasalanan so Israel.

1 Saray Arari 15:34

Nanggagaway kaogsan ed arap na Katawan tan inlagyat ton nankasalanan so Israel a singa ginawa nen Jeroboam ya akaonan nanoley nen say sikato.

1 Saray Arari 16:13

Apampasnuk nen Baasa tan say lakin anak ton si Ela so Katawan a Dios na Israel, lapug impangigalang dad saray talintaoy diriyos tan lapud impangilagyat dan nankasalanan iray Israelita.

1 Saray Arari 16:19

Agawa ya lapud saray kasalanan to tan, lapud nilagyat ton nankasalanan so Israel a singa ginawa nen Jeroboam ya akaonan nanoley nen say sikato.

1 Saray Arari 16:2

“Ag da ka ni italtalek nen saman, et ginawa ta kan pangulo na saray totook ya Israelita, balet nankasalanan kan singa si Jeroboam tan inlagyat mon nankasalanan iray totook. Pinmetang so olok lapud saray kasalanan da,

1 Saray Arari 16:27

Nisulat ed libron Say Awaran da ray Ararid Israel iray arum nin ginagawa nen Omri tan amin ya asumpal ton kimey.

1 Saray Arari 21:22

Saray kabyangay pamilyam magmaliw iran singa saray kabyangay pamilya di Jeroboam a lakin anak nen Nebat tan Ari Baasa a lakin anak nen Ahias, lapud impanpasnuk mo ak diad impangilagyat mon mankasalanan iray taga Israel.’

1 Saray Arari 22:53

Inggalang tan nanlingkuran toy Baal tan impanpasnuk toy Katawan a Dios na Israel, a singa si ama to.

2 Saray Arari 10:31

Balet aliwan masimoon so impangonur nen Jehu ed saray ganggan na Katawan, say Dios na Israel; inalig to ingen si Jeroboam ya angilagyat a nankasalanan so Israel.

2 Saray Arari 13:2

Inalig toy Ari Jeroboam ya akaonan nanoley nen say sikato, nankasalanan ed Katawan tan inlagyat ton nankasalanan so Israel; ag to tinondaan a ginagawa so kaogsan to.

2 Saray Arari 13:6

Balet ag da inkaindan iray kasalanan ya angilagyatan nen Ari Jeroboam ed Israel, no ag ta intuloy day nankakasalanan; nansiansiad Samaria so talintao nen diosan Asera.

2 Saray Arari 14:24

Nanggagaway kaogsan sumpad Katawan; inalig toy impankasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 15:18

Nanggagawa na kaogsan sumpad Katawan; inalig ton anggad impatey to so impankakasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 15:9

Nanggagawa na kaogsan sumpad Katawan a singa ginagawa na saray akaonan nanoley nen say sikato. Inalig toy impankakasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 17:21

Kayarin impansian na Katawan so Israel tan Juda, impagmaliw na saray Israelita ya ari ra si Jeroboam a lakin anak nen Nebat. Impaikaindan nen Jeroboam ed sikara so Katawan da, insan inlagyat to ran manggaway ambelat a kasalanan.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

2 Saray Arari 3:3

Balet ag to tinondaan a nilagyat a mankasalanan iray Israelita, a singa ginawa nen Ari Jeroboam a lakin anak nen Nebat.

2 Saray Awaran 28:19

Inter na Katawan ira yan segsegang ed Juda lapud pinaolyan nen Ari Acaz so pankaabigan na saray totoo to, tan sinumlang toy linawa na Katawan.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

Exodo 32:25

Si Moises anengneng ton si Aaron et pinaolyan ton ag la nabano iray totoo tan ginawa ray sikaran dili a makulangkulang ed arap na saray kalaban da.

Exodo 32:35

Kanyan say Katawan angipadalan na salot ed saray totoo, lapud impanggawa ray Aaron na balituk a bakan kalakyan.

Isaias 40:24

Singa ra malangwer a tanaman; katubo-tubo ra tan kakkapanlamut da. No say Katawan et paragemen to, namagaan ira tan nitikyab iran singa dayami.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Mateo 18:7

Makapataktakot so kipapasen ed tapew na dalin, lapud saray bengatlan pansengegay pankasalanan da ray totoo! Anggan kapigan ag naandi ray bengatlan pansengegay pankasalanan, balet makapataktakot so nasagmak na toon panlapwan da!

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.