1 Saray Arari 14:10 - Maung A Balita Biblia

¹⁰ Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

Maung a Balita Biblia

¹⁰ Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

1 Saray Arari 14:10 Iomraidhean Croise

1 Saray Arari 13:34

Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

1 Saray Arari 16:11

Kagapoy impanari nen Zimri, pinatey ton amin iray kabyangay pamilya nen Baasa. Apatey ya amin iray lalakin kakanayon tan kakaaro to.

1 Saray Arari 16:3

kanyan paandipaten ta ka tan saray kabyangay pamilyam, a singa ginawak ed kinen Jeroboam.

1 Saray Arari 21:21

Kanyan inkuan na Katawan ed sika, ‘Panliknaen ta kay segsegang. Ekalen ta kan ari tan paandipaten kon amin iray lalakin kabyangay pamilyam, malangwer may matakken.

2 Saray Arari 14:26

Anengneng na Katawan so makapasinagem a paniirap na saray Israelita; anggapon balut so ontulong ed sikara.

2 Saray Arari 21:13

Dusaen koy Jerusalem a singa ginawak ed Samaria, a singa ginawak ed kinen Ari Acab na Israel tan saray kabyangay boleg to. Pataynanen ko ray totood Jerusalem, et magmaliw a malinis a singa platon pinonasan tan impatikleb.

2 Saray Arari 9:37

Nabuybuyak a singa dotak so bangkay to tan anggapoy makabirbir ed sikato.’”

Say Libro nen Job 20:7

balet singa dabuk ya itikyab na dagem. Saray gendat a makapikabat ed sikato onkelaw ira no iner so nakar to.

Saray Salmo 83:10

Tinalom irad Endor, tan aboluk-boluk ed dalin iray bangkay da.

Isaias 14:19

balet anggapoy pantion mo tan nibantak a naboluk so bangkay mo. Atabunan na saray bangkay da ray sondalon apatey ed bakal; nibantak a pati sikara ed mabaton abut, tan agatin-gatinan.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Ezekiel 26:4

Deralen da ray padir na siudad mo tan igeba da ray torim. Insan ko panisan ya amin so dabuk tan sakey a baton-dampay labat so natilak.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.

1 Samuel 25:22

Pateyen ak komun na Dios no kasabiy kabwasan et walay inkerak a mabilay a lakin kaiba to!”

1 Samuel 25:34

Sinambaan ko lad ngaray mabilay a Dios na Israel a pateyen ko ray amin a totoo nen Nabal. No ag ka labat nangganat ya inmabet ed siak, ompatey iran amin komun kasakbayay kabwasan. Say Katawan so anebel ed siak ya ag to kayo napasakitan!