1 Saray Arari 13:18 - Maung A Balita Biblia

¹⁸ Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Maung a Balita Biblia

¹⁸ Insan inkuan na samay masiken a propitan taga Betel, Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka. Balet mantitila may masiken a propita.

1 Saray Arari 13:18 Iomraidhean Croise

Genesis 27:24

balet tinepet to lamet, “Sikan talagay Esau?” “On, siak,” ebat to.

Genesis 3:13

Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

1 Saray Arari 13:19

Kanyan akilad samay masiken a propita imay propitan taga Juda, insan ira dinmongo.

1 Saray Arari 20:35

Lapud ganggan na Katawan, say sakey a kabyangay grupo na saray propita ingganggan toy sakey a kapara ton propita, “Kabil mo ak!” Balet ag to kinabil.

1 Saray Arari 22:22

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Probirbio 12:19

Antikey so bilay na tila, balet mansiansiad anggad angga so katwaan.

Probirbio 12:22

Kabosul na Katawan iray matila, balet maliket ed saray matoor ed salita ra.

Probirbio 19:5

No mantila ka ed korti andi-saew a nadusa ka—ag ka makapaliis.

Isaias 36:10

Abaloan yo ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

Isaias 9:15

Say olo et saray matakken tan gagalangen a totoo—tan say ikul et saray propitan tilay ibabangat da!

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Jeremias 29:31

ya impaibagak ed amin a priso ed Babilonia ya onya so inkuanto nipaakar ed kinen Semaya: “Siak, say Katawan, dusaen koy Semaya tan amin a kabyangay boleg to. Ag ko imbaki, balet nansalitad sikayon singa propita, tan impanisia to kayod tila. Anggapoy nakeraan a kabyangay boleg to ed sikayo. Ompatey la kasakbayan na panggawak na kaabigan da ray totook. Ag to la naimatunan, lapud imbaga tod sikaran labanan da ak. Siak, say Katawan, so nansalita.”

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Ezekiel 13:8

Kanyan say Katawan a Dios kuantod sikara, “Tila ray salita yo, tan aliwan tua ray pasingayew yo. Sumpa ak ed sikayo.

Saray Bilang 22:35

Balet inkuan na samay anghil, “Mila kad sarayan totoo, balet salitam labat so paibagak ed sika.” Kanyan intuloy nen Balaam so akilad sikara.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

TAGA GALACIA 1:8

Ta anggan sikami ni ingen, o sakey ya anghil a nanlapud tawen, so mangipulong ed sikayo na doma ed samay Maung a Balita ya impulong mi lad sikayo, nisamba komun!

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

1 Timoteo 4:2

Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Saray Huis 13:3

Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.