1 Saray Arari 12:16 - Maung A Balita Biblia

¹⁶ Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

Maung a Balita Biblia

¹⁶ Nen abirbir na saray totoo ya ag ira dengelen na ari, inmeyag ira, Anggapo lay pibibiang tayod kinen David tan say pamilya ko. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam! Kanyan sinmempet lan amin iray totood Israel.

1 Saray Arari 12:16 Iomraidhean Croise

2 Samuel 15:13

Inkuan na sakey ya ibabaki ed kinen David, “Migagampi ray Israelita ed kinen Absalom.”

2 Samuel 16:11

Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

1 Saray Arari 11:11

tan kuantod sikato, “Lapud ginagalam a dineral so impisipanan mod siak tan ag mo inonur iray ganggan kod sika, ekalen kon ekalen so nanarian ed sika tan iter kod sakey ed saray opisyal mo.

1 Saray Arari 11:13

Ag ko ekalen ed sikatoy intiron nanarian; ingen mangikera ak na sakey a tribu, lapud kinen aripen kon David tan lapud Jerusalem a pinilik a siudad ko.”

1 Saray Arari 11:34

Balet ag ko ekalen so intiron nanarian ed kinen Solomon, tan pansiansiaen kon manoley legan ton mambibilay, lapud kinen pinilik a David ya aripen kon angonur na saray ganggan tan saray bilin ko.

1 Saray Arari 11:35

Ekalen koy nanarian ed anak ton laki, insan ko iter ed sikay samploran tribu.

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 11:39

Lapud kasalanan nen Solomon dusaen ko ray kabyangay boleg nen David, balet aliwan ando lan ando so panusak.’”

1 Saray Arari 22:17

Inmebat si Micaya “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”

1 Saray Arari 22:36

Nen onlalabi la niganggan ed saray sondalo na Israelita, “Onsempet lay balang sakey a laki ed dilin bansa tan siudad to!”

2 Saray Awaran 10:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to! Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet la ray amin a totood Israel.

Saray Salmo 132:17

Diak gawaen a matalonggaring ya ari so sakey ed saray anak nen David; diak pagnayonen so oley na pinilik ya ari.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Probirbio 15:1

Say mapalnan ebat pakekepaen toy pasnuk, balet say ansakit ya ebat palolooren to.

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

Jeremias 33:21

Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Ezekiel 37:16

Inkuanto, “Sika a toon ompatey, mangala kay sakey a bislak tan isulat mod satan a bislak ira yan salita, ‘Say nanarian na Juda.’ Insan ka mangalay sakey nin bislak tan isulat mod satan a bislak yan salita, ‘Say nanarian na Israel.’

Marcos 3:24

No manlalaban iray totood sakey a nanarian, ag mambayag itan a nanarian.

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

Juan 13:8

Inkuanen Pedro ed sikato, “Ag kon balut paorasan iray salik ed sika!” Inmebat si Jesus, “No ag mo ra paorasan ed siak, anggapo siriy pibibiang mod siak.”

Saray Huis 8:35

Ag da amtay ombales na maung a linawa ed pamilya nen Gedeon, lapud saray amin a kaabigan a ginagawa to ed Israel.

Saray Huis 9:28

Inkuanen Gaal, “Anto itayon klasin totood Sikem? Akin et manlilingkur itayod kinen Abimelec? Siopa ta man a too a? Anak labat nen Gedeon, anto? Onur-onur ed sikato si Zebul, balet akin et manlilingkur itayod sikato? Nepeg a matoor kayod laki yon Hamor a sengeg na boleg yo!