1 Saray Arari 11:7 - Maung A Balita Biblia

⁷ Diad tapew na palandey ed nibokig na Jerusalem, nanggaway pasen a pangigalangan ed kinen Cemos a makapaingungot a dios na Moab. Nanggawa met na pasen a pangigalangan ed kinen Milcom a makapaingungot a dios na Ammon.

Maung a Balita Biblia

⁷ Diad tapew na palandey ed nibokig na Jerusalem, nanggaway pasen a pangigalangan ed kinen Cemos a makapaingungot a dios na Moab. Nanggawa met na pasen a pangigalangan ed kinen Milcom a makapaingungot a dios na Ammon.

1 Saray Arari 11:7 Iomraidhean Croise

Genesis 33:2

Walad onaan ira may aripen tan saray anak da, insan mantombuk si Lea tan saray anak to, tan diad onur si Raquel tan si Jose.

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

1 Saray Arari 11:5

Inggalang nen Solomon si Astarte a diosa na Sidon, tan si Milcom a makapaingungot a dios na Ammon.

1 Saray Arari 11:6

Nankasalanan ed Katawan, kanyan ag to naaligay ama ton David a matoor ed Katawan.

1 Saray Arari 11:8

Nanggawa met ni na arum iran pasen a panangigalangan, a dimay pakapampoolan na insinso na saray asawa ton sangkaili tan dimay pakapangisaklangan da na saray bagat dad saray diriyos dan dili.

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

2 Saray Awaran 21:11

Nanggagawa ni ingen met ed saray pokdul na Juda na saray paganon pasen a panangigalangan tan inlagyat ton nankasalanan ed Katawan iray totoo na Juda tan Jerusalem.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Isaias 44:19

Saray managgaway talintao et anggapoy pakatalus odino liknaan dan mangikuan, “Namparlangan ko ray arum a kiew. Nanggawaan ko na kanen iray ngalab, tan nankalutan ko na karni insan ko kinan. Say arum ed samay kiew et ginawak a talintaoy dios. Et natan antoy agawak; anta sakey a poter na kiew et nakar kon dadakmomoan!”

Jeremias 32:31

Impanpasnuk to ak na mapalalo yan siudad nanlapu lad agew na inkipaalagey to. Ginetmak lan paandipaten,

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Jeremias 48:46

Pangaskasiyan iray taga Moab! Inaatey iray totoon angigalang ed dios a Camos, tan nalan priso iray anak dan lalaki tan bibii.

Ezekiel 18:12

Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,

Daniel 11:31

Pagmaliwen na arum a sondalo to a marotak, onung ed ganggan, so Timplo. Patondaen day inagew-agew a bagat tan ilira da so Makapataktakot a Managderal.

Daniel 12:11

“Manlapud samay panaon ya apatonda so inagew-agew a panagbagat, salantiy manlapud samay panaon na Makapataktakot a Managderal, sanlibo, duan lasus tan siamaplon agew so onlabas.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Zacarias 14:4

Diad satan a panaon sikatoy manalagey ed Palandey na Kaolibaan, a mamaarap ed bokig na Jerusalem. Insan napaldua na maawang a patar imay Palandey na Kaolibaan manlapud bokig ya anggad sagur. Say kapaldua na palandey ondere ed bandad baybay tan say kapaldua ondere ed bandad abalaten.

Saray Bilang 21:29

Pakaskasi kayo la, sikayon taga Moab! Aderal-deral kayo la, sikayon manangigalang ed Kemos! Inyabuloy na dios yo a nadakep na arum a bansa iray lalaki, Tan saray bibii adakep ira na ari na saray Amorreo.

Saray Bilang 33:52

nepeg yon pataynanen iray amin a manaayam diman. Deral yo ray amin a bato tan mital a talintao ra tan amin a pasen a panangigalangan da.

Mateo 26:30

Anganta ray sakey ya imno, insan ira linma ed Palandey na Kaolibaan.

Saray Gawgawa 1:12

Pinmawil ed Jerusalem iray disipulo. Nanlapu rad Palandey na Kaolibaan, a ngalngali sakey kilomitroy kaarawi tod siudad na Jerusalem.

Saray Gawgawa 1:9

Kapangibaga to ya, niatagey ed tawen leleg dan nenengnengen, insan asaniban na lorem.

Saray Gawgawa 7:43

Say tulda nen dios a Moloc so sankaawit yo, tan say bitewen nen Refan a dios yo: ginawa yo ra yan diriyos yo a pangigalangan yo. Kanyan ibantak ta kayod labas na Babilonia.’

Deuteronomio 13:14

No narengelan yoy ontan a balbalita, osisa yon maung; et no talagan tua ya agaway ontan a kaogsan,

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.