1 Saray Arari 11:39 - Maung A Balita Biblia

³⁹ Lapud kasalanan nen Solomon dusaen ko ray kabyangay boleg nen David, balet aliwan ando lan ando so panusak.’”

Maung a Balita Biblia

³⁹ Lapud kasalanan nen Solomon dusaen ko ray kabyangay boleg nen David, balet aliwan ando lan ando so panusak.

1 Saray Arari 11:39 Iomraidhean Croise

2 Samuel 14:14

Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 11:40

Lapud saya, labay a pateyen nen Solomon si Jeroboam, balet batik ed Ari Sisak na Egipto tan nanayam diman ya anggad impatey nen Solomon.

1 Saray Arari 12:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

1 Saray Arari 14:8

Inekal koy nanarian ed saray kabyangay boleg nen David tan inter kod sika. Balet ag mo naaligan si aripen kon David a sigput so inkatoor tod siak, inonur to ray ganggan ko, tan say matonung labat so ginawa to ed arap ko.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Lucas 2:4

Diad Nazaret, Galilea, so panaayaman nen Jose, kanyan linmad Judea ed baley na Betlehem a nianakan nen Ari David. Dimay nila nen Jose, ta kabyangay boleg nen David.