1 Saray Arari 11:36 - Maung A Balita Biblia

³⁶ Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

Maung a Balita Biblia

³⁶ Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.

1 Saray Arari 11:36 Iomraidhean Croise

2 Samuel 21:17

Balet si Abisai a lakin anak nen Sarvia dinago ton tinulongan si David, dinogpaan to may alan, insan to pinatey. Kayari to ya, saray totoo nen David impaisipan dad sikato ya ag lan balut milad bakal. Inkuanda, “Sikay ilalo na Israel, et ag mi labay a naandi kad sikami.”

2 Samuel 22:29

Sika, Katawan, so liwawak; papaliwawaen moy bilonget ko.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

2 Samuel 7:29

Kerewen kod sikan bindisionan mo ray kabyangay boleg ko, tan pansiansiam yan bindision ed sikara. Sika, Katawan a Dios, so angisipan ed saya; mansiansian ando lan ando ed saray kabyangay boleg mo so bindision mo.”

1 Saray Arari 11:13

Ag ko ekalen ed sikatoy intiron nanarian; ingen mangikera ak na sakey a tribu, lapud kinen aripen kon David tan lapud Jerusalem a pinilik a siudad ko.”

1 Saray Arari 11:32

Natilak ed kinen Solomon so sakey a tribu lapud aripen kon David tan lapud Jerusalem, say siudad a pinilik ed intiron dalin na Israel.

1 Saray Arari 11:37

Gawaen ta ka, Jeroboam, ya ari na Israel, tan manoley ka ed amin a lugar a labay mo.

1 Saray Arari 12:17

Pinaolyan da lay Roboam a nanoley ed saray totoon manaayam labat ed sakop na Juda.

1 Saray Arari 14:21

Apataplo tan sakey so taon nen Roboam a lakin anak nen Solomon nen nagmaliw ya ari na Juda, tan nanoley na labinpitoy taon ed Jerusalem, say siudad a pinili na Katawan ed intiron dalin na Israel a pangigalangan ed sikato. Si Naama a taga Ammon so ina nen Roboam.

1 Saray Arari 15:4

Balet lapud kinen David, say Katawan a Dios to initdan toy Abiam na sakey a lakin anak ya onsalat ed sikaton manoley ed Jerusalem tan mamasiansian arawid kaatapan so Jerusalem.

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

1 Saray Arari 8:29

Bantayan mo pad agew tan labi yan Timplo, say pasen a pinilim a pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

2 Saray Arari 8:19

balet ag labay na Katawan a deralen so Juda, tan insipan tod aripen ton David a saray kabyangay boleg nen David so manoley ya anggad angga.

2 Saray Awaran 12:13

Nanoley ed Jerusalem si Roboam tan pinmalaloy pakayari ton ari. Apataplo tan sakey so taon to nen nagmaliw ya ari. Nanoley na labimpitoy taon ed Jerusalem, say siudad a pinili na Katawan, diad intiron dalin na Israel a pasen a pangigalangan ed Katawan. Say ina nen Roboam et si Naama a taga Ammon.

2 Saray Awaran 21:7

balet ag labay na Katawan a mansamput so panoley da ray kabyangay boleg nen David, lapud akisipanan ed kinen David. Insipan to a saray kabyangay boleg nen David so manoley ya anggad angga.

Saray Salmo 132:17

Diak gawaen a matalonggaring ya ari so sakey ed saray anak nen David; diak pagnayonen so oley na pinilik ya ari.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.