1 Saray Arari 10:24 - Maung A Balita Biblia

²⁴ Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

Maung a Balita Biblia

²⁴ Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

1 Saray Arari 10:24 Iomraidhean Croise

1 Saray Arari 10:1

Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na saray mairap a tepet.

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

1 Saray Arari 3:28

Nen nadngelan na saray totood Israel yan impanintinsia nen Solomon, mapalaloy panamagalang dad sikato, ta amta ran initdan na Dios na kakabatan a mangiter na katonungan.

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

2 Saray Awaran 1:11

Inmebat so Dios ed kinen Solomon, “Duga so kinerew mo. Ag ka kinmerew na saray kayaryan, odino kayamanan, odino kagalangan, odino say ipatey da ray kalaban mo, odino say pambilay mo na andokey. Ingen kinmerew ka na kakabatan tan pakatalus pian naoleyan mo ray totook ya angipasenan kod sikan ari.

2 Saray Awaran 1:12

Itdan ta ka na kakabatan tan pakatalus. Itdan ta ka met na saray kayaryan, kayamanan, tan kagalangan a dakel ni nen saray a kayaryan na anggan siopan ari ya akaona nen say sika odino say arin mantombuk ed sika.”

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Ezekiel 16:14

Lapud ayadyarin gangganam, nibantug ka ed amin a bansa, tan nibantug ka lapud siak so amagangganan maung ed sika.” Sikato ya so ibabaga na Katawan a Dios.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.