1 Saray Arari 10:1 - Maung A Balita Biblia

¹ Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na saray mairap a tepet.

Maung a Balita Biblia

¹ Nadngelan na riyna na Seba so inkabantug nen Solomon, kanyan linmad Jerusalem ta suboken toy Solomon diad panamegley na saray mairap a tepet.

1 Saray Arari 10:1 Iomraidhean Croise

Genesis 10:28

Obal, Abimael, Saba,

Genesis 10:7

Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama et di Saba tan Dedan.

Genesis 25:3

Si Jocsan so ama ra di Seba tan Dedan, tan si Dedan so sengeg da ray Asurim, Letusim tan Leumim.

1 Saray Arari 10:24

Nampilalekan na sankamundoan so onlad sikato, ta ondengel iray kakabatan ya inter na Dios ed sikato.

1 Saray Arari 4:31

Sankakabatan ed amin da ray totoo: makabat nen si Etan ya Ezrahita, tan di Heman, Calcol, tan Darda a lalakin anak nen Mahol. Binmantug ed saray bansad kaliber-liber na nanarian to.

1 Saray Arari 4:34

Nadngelan na amin da ray arari ed intiron mundo so kakabatan nen Solomon, kanyan angibaki ray totoon ondengel ed sikato.

1 Saray Arari 5:14

tan si Adoniram so makaoley ed sikara. Impankatlo nen Adoniram so grupo ra; samplon libon lalaki so balang grupo tan nanayam iray sakey bulan ed Libano tan duay bulan ed dilin bansa ra.

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Say Libro nen Job 6:19

Saray olup na biahiron taga Seba tan Tema manaanap iray danum,

Saray Salmo 49:4

Salitaen koy nipaakar ed saray probirbio, tan ipaliwawak so kabaliksan da leleg kon manotogtog na arpa.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Saray Salmo 72:15

Andokey komun so bilay na ari! Naitdan komun na balituk a manlapud Arabia; nipikasi komun lawas; nabindisionan komun lawas na Dios!

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Ezekiel 16:14

Lapud ayadyarin gangganam, nibantug ka ed amin a bansa, tan nibantug ka lapud siak so amagangganan maung ed sika.” Sikato ya so ibabaga na Katawan a Dios.

Ezekiel 38:13

Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Mateo 12:42

Diad Agew na Okum onalagey so Riyna Seba tan akusaen to kayo, ta nanlapud arawdawin pasen ya ondengel labat ed kakabatan nen Solomon. Balet kuankod sikayo a wadyay lalon makapanyari nen si Solomon!”

Mateo 13:11

Inmebat si Jesus, “Niiter ed sikayoy pakaamta ed saray bengatlan nipaakar ed Panariay tawen, balet andid sikara.

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Marcos 4:34

Ag to nampulong no ag imparalan ed alimbawa. Balet no bukbukor to la tan saray disipulo to, ipaliwawa ton amin ed sikara.

Lucas 11:31

Diad Agew na Okum, onalagey so Riyna na Saba tan akusaen to ray totood sayan panaon, ta nanlapud arawdawin pasen ya ondengel labat ed kakabatan nen Solomon. Balet kuankod sikayo a wadyay lalon makapanyari nen si Solomon.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.